୧୭୦ କୋଟିର ରାଜନୈତିକ ଚାନ୍ଦା ପାଇଁ କଂଗ୍ରେସକୁ ନୋଟିସ୍

ନୂଆଦିଲ୍ଲୀ: ଆୟକର ସ୍କାନରରେ କଂଗ୍ରେସ । ହୱାଲା ମନି ଟ୍ରାନ୍ସଫର ନେଇ କଂଗ୍ରେସକୁ ଆୟକର ବିଭାଗ ନୋଟିସ୍ ଜାରି କରିଛି । ସୂଚନା ମୁତବାକ ହାଇଦ୍ରାବାଦର ଏକ ଇନଫ୍ରାଷ୍ଟ୍ରକଚର କମ୍ପାନୀ କଂଗ୍ରେସକୁ ୧୭୦ କୋଟି ଟଙ୍କା ଦେଇଥିଲା । ଏହି କାରବାର ହୱାଲା ଜରିଆରେ ହୋଇଥିବା ଜାଣିବାକୁ ପାଇଥିଲା ଆୟକର ବିଭାଗ ।ଏହି ମାମଲାରେ ଆୟକର ବିଭାଗର ନଭେମ୍ବର ୪ରେ କଂଗ୍ରେସ କାର୍ଯ୍ୟାଳୟର ୪ ଜଣ ନେତାଙ୍କୁ ସମନ ଜାରି କରିଥିଲା । କିନ୍ତୁ, ସମନ ପରେ ବି କଂଗ୍ରେସ ନେତା ଆୟକର ଅଫିସରେ ହାଜର ହୋଇ ନଥିଲେ । ଫଳରେ ଆୟକର ବିଭାଗ ପକ୍ଷରୁ କଂଗ୍ରେସକୁ ନୋଟିସ୍ ଜାରି କରାଯାଇଛି । ରାଜନୈତିକ ଚାନ୍ଦା ବାବଦରେ କଂଗ୍ରେସ ଏତେ ବଡ଼ ଅର୍ଥ ପାଇଥିଲେ ବି କୌଣସି ଦସ୍ତାବିଜ୍ ଆୟକର ବିଭାଗ ନିକଟରେ ଉପସ୍ଥାପନ କରିପାରି ନାହିଁ ।