ତଦନ୍ତ ପାଇଁ ଯାଇଥିଲା ପୋଲିସ, ବନ୍ଧୁକ ଛଡ଼ାଇ ନେଲେ ଦୁର୍ବୁତ୍ତ

କଟକ: କଟକ ଅଞ୍ଚଳରେ ହଟହଟା ହେଲା ଢେଙ୍କାନାଳ ପୋଲିସ । ପୋଲିସଠାରୁ ବନ୍ଧୁକ ଛଡ଼ାଇନେଲେ ଦୁର୍ବୃତ୍ତ । ପୋଲିସକୁ ମାଡ଼ମାରି ବନ୍ଧୁକ ନେଇଗଲେ ଲୋକ । କଟକ ଜିଲ୍ଲା ତିଗିରିଆ ଥାନା ନୂଆପାଟଣା ବଜାରରେ ଘଟିଛି ଘଟଣା । ସୂଚନା ଅନୁସାରେ ଏକ ପ୍ରେମ ସମ୍ପର୍କିତ ମାମଲାରେ ଅଭିଯୁକ୍ତକୁ ଧରିବାକୁ ତିଗିରିଆ ଥାନା ପଙ୍କାଳ ଗାଁକୁ ଯାଇଥିଲା ଢେଙ୍କାନାଳ ସଦର ଥାନା ପୋଲିସ ।

ଅଭିଯୁକ୍ତର ସମ୍ପର୍କୀୟ ଭାଇକୁ ଉଠାଇ ନେଇଯାଉଥିବାବେଳେ ବିରୋଧ କରିଥିଲେ ସ୍ଥାନୀୟ ଲୋକ । ପୋଲିସ ସହ ଧସ୍ତାଧସ୍ତିରେ ଢେଙ୍କାନାଳ ସଦର ଥାନା ଏଏସଆଇ ଆହତ ହୋଇଛନ୍ତି । ତାଙ୍କ ଠାରୁ ଲୋକମାନେ ବନ୍ଧୁକ ଛଡାଇ ନେଇଥିବା ଜଣାପଡିଛି । ଘଟଣାସ୍ଥଳରେ ଆଠଗଡ SDPO ପହଞ୍ଚି ତଦନ୍ତ ଚଳାଇଛନ୍ତି । କାହିଁକି ଲୋକ ଉତ୍ୟକ୍ତ ହେଲେ ଏବଂ ପୋଲିସ ସହ ସ୍ଥାନୟ ଲୋକଙ୍କ ବ୍ୟବହାରକୁ ନେଇ ତଦନ୍ତ ଚାଲିଛି  ।