ନନ୍ଦିଘୋଷ ବ୍ୟୁରୋ : ଏଫେମ କଲେଜ ଛାତ୍ରୀ ମୃତ୍ୟୁ ଘଟଣା । ପିଡିତାଙ୍କ ଘରେ ପହଞ୍ଚିଲେ ବିଜୁ ଛାତ୍ର ଜନତା ଦଳର ସଭାନେତ୍ରୀ ଇପ୍ସିତା ସାହୁ ଓ ଭୋଗରାଇ ବିଧାୟକ ଗୌତମବୁଦ୍ଧ ଦାସ । ବାଲେଶ୍ବର ଫକୀର ମୋହନ କଲେଜ ଛାତ୍ରୀଙ୍କ ପିଡିତା ଘରେ ପହଞ୍ଚି କଲେ ଆଲୋଚନା । ଭୋଗରାଇ ନିର୍ବାଚନ ମଣ୍ଡଳୀର ନାରୀ ଅଧିକାର କାର୍ଯ୍ୟକ୍ରମ ଆଗରୁ ପୀଡିତା ବାପା ମାଆ ଙ୍କ ପାଖରେ ପହଞ୍ଚି ତାଙ୍କର ଦୁଃଖ ବୁଝିଥିଲେ । ଛାତ୍ରୀଙ୍କୁ ନ୍ୟାୟ ନମିଳିବା ଏବଂ ସେତେବେଳେ ରାଜ୍ୟ ସରକାର ଦେଇଥିବା ପ୍ରତିଶ୍ରୁତି ପୁରଣ ନହେବାରୁ ଉଦ୍ବେଗ ପ୍ରକାଶ କରିଥିଲେ। ଏସ୍ ସାଇନିଙ୍କ ବଦଳି ପରେ ଘଟଣାକୁ ସମ୍ପୁର୍ଣ୍ଣ ରୁପେ ଚପାଇ ଦେଇଛନ୍ତି ରାଜ୍ୟ ସରକାର । ମାମଲା ଆଗକୁ ବଢୁନାହିଁ । ଦୁଇଦିନ ଆଗରୁ ପ୍ରିନ୍ସିପାଲଙ୍କୁ ବେଲ୍ ମିଳିଯାଇଛି । ଛାତ୍ରୀଙ୍କ ନାଁରେ ସ୍ତମ୍ଭ କରିବାର ଥିଲା, ତାହା ଆଜି ଯାଏଁ ହେଇନାହିଁ । ଛାତ୍ରୀଙ୍କୁ ନ୍ୟାୟ ଦେବା ପାଇଁ ବିଜୁ ଛାତ୍ର ସଂଗଠନ ଲଢ଼େଇ କରିବ ବୋଲି କହିଛନ୍ତି ବିଜୁ ଛାତ୍ର ସଭାନେତ୍ରୀ ଇପ୍ସିତା ସାହୁ । ସେପଟେ ଝିଅ କଥା ବହୁତ ମନେ ପଡୁଛି ବୋଲି କହିଛନ୍ତି ମାଆ । ଝିଅକୁ ନେଇ ଯେଉଁ ଆଶା ଓ ସ୍ୱପ୍ନ ଦେଖିଥିଲୁ ସବୁ ଧୁଳିସାତ ହେଇଗଲା । ଆଜି ପର୍ଯ୍ୟନ୍ତ ରାଜ୍ୟ ସରକାର ସେ ସମୟରେ ଯାହା ପ୍ରତିଶ୍ରୁତି ଦେଇଥିଲେ କିଛି ବି ପୁରଣ କରିନାହାନ୍ତି । କେବେ ନ୍ୟାୟ ମିଳିବ ସେଥିପାଇଁ ଅପେକ୍ଷାରେ ଥିବା କହିଛନ୍ତି ମାଆ ।
