ନୂଆଦିଲ୍ଲୀ: ତାଲିବାନର ଆଉ ଏକ ବର୍ବର ନିଷ୍ପତ୍ତି । ଶତ୍ରୁଙ୍କଠାରୁ ଇସଲାମିକ ଷ୍ଟେଟକୁ ରକ୍ଷା କରିବା ପାଇଁ ସେନାରେ ସୁଇସାଇଡ ବମର ବା ଆତ୍ମଘାତି ବିସ୍ଫୋରକ ଭର୍ତ୍ତି କରିବ ତାଲିବାନ । ଆଫଗାନିସ୍ତାନକୁ୍ ଜବରଦସ୍ତି କବଜା କରିବା ପରେ ଆତ୍ମଘାତୀ ବିସ୍ଫୋରକଙ୍କୁ ବ୍ୟବହାର କରି ଆମେରିକା ଓ ଆଫଗାନ ସୈନିକଙ୍କୁ ଡରାଇବାରେ ସଫଳ ହୋଇଥିଲା ତାଲିବାନ । ଏବେ ପୂରା ଦେଶକୁ କବଜା କରିବା ପରେ ପୁଣି ଥରେ ସୁଇସାଇଡ ବମ୍ବରଙ୍କୁ ସାମିଲ କରିବାକୁ ତାଲିବାନ ନିଷ୍ପତ୍ତି ନେଇଛି । ଆଫଗାନିସ୍ତାନର ସୁରକ୍ଷା ପାଇଁ ଏଭଳି ନିଷ୍ପତ୍ତି ନିଆଯାଇଛି ବୋଲି ତାଲିବାନର ଉପ ପ୍ରବକ୍ତା ବିଲାଲ କରିମୀ କହିଛନ୍ତି ।
ଗତ ବର୍ଷ କ୍ଷମତାକୁ ଆସିବା ପୂର୍ବରୁ ତାଲିବାନ ୨୦ ବର୍ଷର ଯୁଦ୍ଧରେ ଆମେରିକା ଏବଂ ଆଫଗାନିସ୍ତାନ ସୈନ୍ୟଙ୍କୁ ଆକ୍ରମଣ ଏବଂ ପରାସ୍ତ କରିବା ପାଇଁ ଆତ୍ମଘାତୀ ବିସ୍ଫୋରଣକାରୀଙ୍କୁ ଏକ ପ୍ରମୁଖ ଅସ୍ତ୍ର ଭାବରେ ବ୍ୟବହାର କରିଥିଲା। ବର୍ତ୍ତମାନ ଏହି ଗୋଷ୍ଠୀ ଏକ ୟୁନିଟ୍ ଅଧୀନରେ କାର୍ଯ୍ୟ କରିବା ଏବଂ ଆଫଗାନିସ୍ତାନର ସୁରକ୍ଷା ପାଇଁ ସାରା ଦେଶରେ ଆତ୍ମଘାତୀ ବିସ୍ଫୋରଣକାରୀଙ୍କ ଏକ ସ୍କାଡ ଗଠନ କରିବାକୁ ଚାହୁଁଛି ବୋଲି ତାଲିବାନର ଡେପୁଟି ମୁଖପାତ୍ର ବିଲାଲ କରିମୀ କହିଛନ୍ତି।
