ମାଲକାନଗିରି: ମାଲକାନଗିରିରେ ରଦ୍ଧ ହେଲା ୪୮ଟି ଲଘୁ ଖଣିଜ ଲିଜ୍। ଟେଣ୍ଡର ପ୍ରକ୍ରିୟାରେ ଅନୀୟମିତତା ଅଭିଯୋଗରେ ଏହି ଲଘୁ ଖଣିଜ ଟେଣ୍ଡରକୁ ବାତିଲ କରାଯାଇଛି। ଟେଣ୍ଡରରେ ଅନିୟମିତତା ନେଇ ଅଭିଯୋଗ କରିଥିଲେ ପ୍ରଦୀପ ମାଝି। ଭିଜି ଗ୍ରାନାଇଟର ମାଲିକ ବେଣୁ ଗୋପାଳ ଲଘୁ ଖଣିଜ ଟେଣ୍ଡର ପ୍ରକ୍ରିୟାରେ ୭ଟି ଖଣି ପାଇଥିଲେ।
ତତ୍କାଳୀନ ଜିଲ୍ଲାପାଳ ନିଜ ଘରେ ସମସ୍ତ ଟେଣ୍ଡର ବକ୍ସ ନେଇ ହେରଫେର କରିଥିବା ନେଇ ଅଭିଯୋଗ ହୋଇଥିଲା। ଏହାପରେ ତଦନ୍ତ କରାଯାଇ ବେଣୁ ଗୋପଳ ଦାଖଲ କରିଥିବା ସୋଲବେନ୍ସି ସାର୍ଟିଫିକେଟକୁ ମଧ୍ୟ ବାତିଲ କରାଯାଇଥିଲା।
ମାଲକାନଗିରିରେ ନୂତନ ଜିଲ୍ଲାପାଳ ଭାବେ ଦାୟିତ୍ୱ ନେଇଥିବା ବିଶାଳ ସିଂ ଏହି ଘଟଣାକୁ ଗୁରୁତର ସହ ନେଇ ତଦନ୍ତ କରିବା ପରେ ଏଥିରେ ହେରଫେର ହୋଇଥିବା ଜଣାପଡିଥିଲା। ଫଳରେ ଏବ ଟେଣ୍ଡର ପ୍ରକ୍ରିୟାକୁ ବାତିଲ କରାଯାଇଛି।
