ମହାରାଷ୍ଟ୍ର, କେରଳରେ ୧୩୦ ଟପିଲା ଆକ୍ରାନ୍ତ ସଂଖ୍ୟା, ମୁକାବିଲା ପାଇଁ ଏବେ କେବଳ ସାମାଜିକ ଦୁରତା

ଭାରତରେ ଥାର୍ଡ ଷ୍ଟେଜରେ COVID-19 । ମହାରାଷ୍ଟ୍ର, କେରଳରେ ୧୩୦ ଟପିଲା ଆକ୍ରାନ୍ତ ସଂଖ୍ୟା । ମୁକାବିଲା ପାଇଁ ସାମାଜିକ ଦୁରତା ବ୍ୟତିତ କାହା ପାଖରେ କିଛି ଉପାୟ ନାହିଁ । ଗତ ୨୪ ଘଣ୍ଟା ମଧ୍ୟରେ କେରଳରେ ଆକ୍ରାନ୍ତଙ୍କ ସଂଖ୍ୟା ମହାରାଷ୍ଟ୍ରଠୁ ଟପିଛି । ଉଭୟ ରାଜ୍ୟ ଓ କେନ୍ଦ୍ର ସରକାର ମୁକାବିଲା ପାଇଁ ଲଢେଇ ଜାରି ରଖିଛନ୍ତି । ଗୁଜୁରାଟ ତେଲେଙ୍ଗାନା, କର୍ଣ୍ଣାଟକରେ ୪୫ ଟପିଲାଣି ଆକ୍ରାନ୍ତଙ୍କ ସଂଖ୍ୟା ।

ଜଣେ କରୋନା ଆକ୍ରାନ୍ତ ୫୯ହଜାର ଲୋକଙ୍କୁ ସଂକ୍ରମିତ କରିପାରିବେ, ଜାଣନ୍ତୁ କେମିତି…

ସବୁଠୁ ଚିନ୍ତାର ବିଷୟ ପାଲଟିଛି ଯେ, ଭାରତରେ ଥାର୍ଡ ଷ୍ଟେଜରେ ପହଁଚିଛି COVID-19 । ଗୋଆ, ମୁମ୍ବାଇ, ଗୁଜୁରାଟ, ପଞ୍ଜାବରେ କିଛି ବ୍ୟକ୍ତି କୈାଣସି ପ୍ରକାର ବିଦେଶ ଗସ୍ତରେ ଯାଇନଥିଲେ ବି ତାଙ୍କର ରିପୋର୍ଟ ପଜିଟିଭ ଆସିଛି । ଆନ୍ତର୍ଜାତୀୟ ସ୍ତରରେ ଆମେରିକାରେ କରୋନା ଆକ୍ରାନ୍ତଙ୍କ ସଂଖ୍ୟା ସବୁଠୁ ଆଗରେ । ୧ ଲକ୍ଷ ଛୁଇଁଲା ଆକ୍ରାନ୍ତଙ୍କ ସଂଖ୍ୟା । ଗୋଟିଏ ଦିନରେ ୭ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଚାଇନାରେ ୮୨ ହଜାର ଥିବା ବେଳେ ଇଟାଲୀରେ ୮୧ ଟପିଲାଣି ସଂଖ୍ୟା । ଗୋଟିଏ ଦିନରେ ଏଠାରେ ହଜାରେ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ତା ପଛକୁ ସ୍ପେନ, ଇରାନ, ଜର୍ମାନୀରେ ଆକ୍ରାନ୍ତଙ୍କ ସଂଖ୍ୟା ୫୦ ହଜାର ଟପିଛି । ସେପଟେ ଚୀନରେ ସ୍ଥିତି ସୁଧୁରୁଥିଲେ ମଧ୍ୟ ୫୫ଟି ନୂଆ କେସ ପଜିଟିଭ ଆସିଛି ।