କାଶ୍ମୀରର ଟୁର୍ଣ୍ଣାମେଣ୍ଟରେ ‘ମ୍ୟାନ ଅଫ ଦ ମ୍ୟାଚ’କୁ ଦିଆଗଲା ୨.୫ କି.ଗ୍ରାର ମାଛ ।

ନୂଆଦିଲ୍ଲୀ: କ୍ରିକେଟ ମ୍ୟାଚରେ ଯିଏ ଭଲ ଖେଳେ, ସେ  ହୁଏ ମ୍ୟାନ ଅଫ ଦ ମ୍ୟାଚ୍ । ପରେ ତାଙ୍କୁ ଏଥିପାଇଁ ଉପହାର ଦିଆଯାଏ । ତେବେ ଏହା ଏକ ଟ୍ରଫି ହୋଇଥାଏ । କିନ୍ତୁ କାଶ୍ମୀରର ଟେକିପୋରା କୁପବାଡ଼ାରେ ଏକ କ୍ରିକେଟ ଲିଗ୍ ଟୁର୍ଣ୍ଣାମେଣ୍ଟରେ ଯାହା ଘଟିଛି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସୂଚନା ମୁତାବକ ମ୍ୟାନ ଅଫ ଦ ମ୍ୟାଚ୍ ହୋଇଥିବା ଜଣେ ଖେଳାଳିଙ୍କୁ ୨.୫ କିଲୋଗ୍ରାମର ମାଛ ଟ୍ରଫି ସ୍ୱରୂପ ଉପହାର ପ୍ରଦାନ କରାଯାଇଛି ।

Recently, in a cricket match at Tekipora Kupwara, a 2.5 Kg fish was given as Man of the Match award. #CricketDhamaka#ESPN #IPL2020 #kashmircricket pic.twitter.com/fQ7VAJ7Gvb

— Firdous Hassan (@FirdousHassan) September 21, 2020

ଏହି ଫଟୋକୁ ଟ୍ୱିଟରରେ ଶେୟାର କରିଛନ୍ତି ଫିରୌଦସ ହସନ ନାମକ ଜଣେ ୟୁଜର । ଉକ୍ତ ବ୍ୟକ୍ତିଙ୍କ ପୋଷ୍ଟ ଅନୁସାରେ ଖେଳାଳି ଜଣକ ନିଜେ ଉକ୍ତ ଗ୍ରାଉଣ୍ଡକୁ ଖେଳ ପାଇଁ ଉପଯୋଗୀ କରିଥିଲେ ଏବଂ ଏଥିରେ ନିଜେ ଅର୍ଥ ବିନିଯୋଗ କରିଛନ୍ତି । ତେବେ ଯଦି କୌଣସି ବଙ୍ଗାଳୀ ଖେଳାଳି ତାଙ୍କ ଦଳରେ ଯୋଗ ଦେବେ ତେବେ ସେ ଖୁବ ଖୁସି ହେବେ ବୋଲି ବୟାନରେ ଉଲ୍ଲେଖ କରିଛନ୍ତି । ଉକ୍ତ ଖବର ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।