ବୁର୍ଖା ପିନ୍ଧିଥିବାରୁ ପରୀକ୍ଷା ଦେବାକୁ ମିଳିଲାନି ଅନୁମତି

1 min read

ବେଙ୍ଗାଲୁରୁ: ବୁର୍ଖା ପିନ୍ଧିଥିଲେ ବୋଲି ଦୁଇ ଛାତ୍ରୀଙ୍କୁ ମିଳିଲାନି ପରୀକ୍ଷା ଦେବାର ଅନୁମତି । ଏହାପରେ ଛାତ୍ରୀ ଦୁଇଜଣ ନିରାଶ ହୋଇ ଫେରି ଯାଇଛନ୍ତି । ଏହି ଘଟଣା ଘଟିଛି କର୍ଣ୍ଣାଟରର ଉଡୁପିରେ । ଦ୍ବାଦଶ ବୋର୍ଡ ପରୀକ୍ଷା ଚାଲିଥିଲାବେଳେ ଦୁଇ ଜଣ ଛାତ୍ରୀ ବୁର୍ଖା ପିନ୍ଧି ପରୀକ୍ଷା ହଲକୁ ଆସିଥିଲେ ।

ଏଠାରେ କ୍ଲାସରୁମରରେ ବୁର୍ଖା ପିନ୍ଧିବାକୁ ନେଇ ବିବାଦ ଉପୁଜିଥିଲା । ହିଜାବକୁ କ୍ଲାସରୁମରେ ଅନୁମତି ଦେବାକୁ ଦାବି କରି ଆଲିୟା ଆସାଦି ଏବଂ ରେସମା କୋର୍ଟର ଦ୍ବାରସ୍ଥ ହୋଇଥିଲେ । ହେଲେ ଏହାକୁ କୋର୍ଟ ଆଗ୍ରାହ୍ୟ କରିଥିଲେ । ଏବେ ସେମାନେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ।

ଏଠାରେ ଆମେ କହି ରଖିବାକୁ ଚାହୁଁଛୁ ଯେ, ୫ ଫେବ୍ରୁଆରିରେ ସ୍କୁଲ କଲେଜରେ ହିଜାବ ପିନ୍ଧିବା ଉପରେ ରୋକ ଲାଗିଥିଲା । ଏହା ପରେ କର୍ଣାଟକର କିଛି ସହରରେ ବିରୋଧ ପ୍ରଦର୍ଶନ ହୋଇଥିଲା । ପରେ ଏହି ମାମଲା ହାଇକୋର୍ଟରେ ଯାଇ ପହଞ୍ଚିଥିଲା । ୧୦ ଫେବ୍ରୁଆରିରେ କୋର୍ଟ ଶିକ୍ଷାନୁଷ୍ଠାନ ମାନଙ୍କରେ ଧାର୍ମିକ ବେଶବୁଷା ଉପରେ ପ୍ରତିବନ୍ଧକ ଲଗାଇ ଦେଇଥିଲେ । ଏହା ପରେ ଶିକ୍ଷାନୁଷ୍ଠାନକୁ ହିଜାବ ପିନ୍ଧି ଆସୁଥିବା ଛାତ୍ରୀ ଏବଂ ଶିକ୍ଷୟିତ୍ରୀଙ୍କ ପ୍ରବେଶ ଉପରେ କଟକଣା ଲଗେଇ ଦିଆଯାଇଥିଲା ।

[DISPLAY_ULTIMATE_SOCIAL_ICONS]