ନନ୍ଦିଘୋଷ ବ୍ୟୁରୋ : ଉପଖଣ୍ଡ ଚିକିତ୍ସାଳୟ ୱାର୍ଡରେ ପଶିଲା ପାଣି। ଅନ୍ୟତ୍ର ସ୍ଥାନାନ୍ତର ହେଲେ ରୋଗୀ। ଅନୁଗୁଳ ଜିଲ୍ଲା ପାଲଲହଡା ଉପଖଣ୍ଡ ଚିକିତ୍ସାଳୟର ଏ ଦୃଶ୍ୟ। ଗତକାଲି ପାଳଲହଡାରେ ପ୍ରବଳ ବର୍ଷା ହୋଇଥିଲା। ଫଳରେ ଅତ୍ୟଧିକ ବର୍ଷା କାରଣରୁ ପାଣି ଉପଖଣ୍ଡ ଚିକିତ୍ସାଳୟ ମଧ୍ୟକୁ ପ୍ରବେଶ କରିଥିଲା। ଡାକ୍ତରଖାନାର ପୁରୁଣା ୱାର୍ଡରେ ବର୍ଷା ଜଳ ପ୍ରବେଶ କରିଥିଲା। ଡାକ୍ତରଖାନାରୁ ଜଳ ନିଷ୍କାସନ ବ୍ୟବସ୍ଥା ନଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ। ଅତ୍ୟାଧିକ ପାଣି ୱାର୍ଡ ଭିତରକୁ ପଶିବାରୁ ସ୍ଥିତି ଅସମ୍ଭାଳ ହୋଇ ପଡିଥିଲା। ଆଣ୍ଠୁଏ ପାଣିରୁ ଡାକ୍ତରଖାନା କତୃପକ୍ଷ ଉକ୍ତ ୱାର୍ଡରେ ଚିକିତ୍ସିତ ହେଉଥିବା ରୋଗୀଙ୍କୁ ଅନ୍ୟ ୱାର୍ଡକୁ ସ୍ଥାନାନ୍ତର କରିଥିଲେI ପ୍ରତି ବର୍ଷ ଏହିପରି ଘଟଣା ଘଟୁଥିଲେ ମଧ୍ୟ ସ୍ଥାନୀୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇନଥିଲା। ଅନ୍ୟପଟେ ପୁରୁଣା ୱାର୍ଡଟି ତଳିଆ ଅଂଚଳରେ ଥିବାରୁ ଏପରି ପରିସ୍ଥିତି ଉପୁଜିଥିବା ଉପଖଣ୍ଡ ଚିକିତ୍ସା ଅଧିକାରୀ ସୂଚନା ଦେଇଛନ୍ତିI
