ପୁଣି ପାକିସ୍ତାନରେ ତେହରିକ-ଇ-ଇନସାଫର ଗର୍ଜନ, ଆଜି ଦେଶବ୍ୟାପୀ ପ୍ରତିବାଦ ଆନ୍ଦୋଳନ

ନନ୍ଦିଘୋଷ ବ୍ୟୁରୋ: ପୁଣି ପାକିସ୍ତାନରେ ତେହରିକ-ଇ-ଇନସାଫର ଗର୍ଜନ। ଆଜି ଦେଶବ୍ୟାପୀ ପ୍ରତିବାଦ ଆନ୍ଦୋଳନ କରିବ ପୂର୍ବତନ ପ୍ରଧାନମନ୍ତ୍ରୀ ତଥା ଜେଲରେ ଥିବା ଇମରାନ ଖାଁଙ୍କ ଦଳ। ଗତବର୍ଷ ଦେଶରେ ହୋଇଥିବା ବେଆଇନ ନିର୍ବାଚନର ବର୍ଷପୂର୍ତ୍ତି ନେଇ ଦଳ ଆନ୍ଦୋଳନକୁ ଓହ୍ଲାଇବ। ଫେବୃଆରୀ ୮କୁ କଳାଦିବସ ଭାବେ ପାଳନ କରିବ ପିଟିଆଇ ।

ଖାଇବର ପଖତୁନଖାୱାର ସ୍ବାବୀ, ପେଶୱାର, ଲାହୋରରେ ଏହି ଦିବସ ପାଳନ କରାଯିବ। ପିଟିଆଇର ଅଭିଯୋଗ ହେଉଛି ଗତବର୍ଷ ହୋଇଥିବା ନିର୍ବାଚନରେ ବ୍ୟାପକ ଅନିୟମିତତା ହୋଇଥିଲା । ଇମରାନଙ୍କ ସମତେ ବିଭିନ୍ନ ନେତାଙ୍କୁ ଜେଲରୁ ଖଲାସ କରିବା ପାଇଁ ବି ଦେଶବ୍ୟାପୀ ଦାବି ଉଠିବ । ଦେଶରେ ସାନି ନିର୍ବାଚନ ଲାଗି ବି ଦାବି କରିବ ପିଟିଆଇ।