ମହଙ୍ଗା ମାଡ଼: ଗୋଟିଏ ଅଣ୍ଡା ୩୦ ଟଙ୍କା, ୧୦୦୦ ଟପିଲା ଅଦା ଦର

ଲାହୋର: ନୂଆ ପାକିସ୍ତାନ ଗଢ଼ିବାର ନାରା ଦେଇ କ୍ଷମତାକୁ ଆସିଥିଲେ ବର୍ତ୍ତମାନର ପ୍ରଧାନମନ୍ତ୍ରୀ ଇମ୍ରାନ ଖାନ୍ । ସେ କ୍ଷମତାକୁ ଆସିବା ପରେ ସେଠାକାର ଅର୍ଥବ୍ୟବସ୍ଥା ଏଭଳି ଭାବେ ବିଗିଡ଼ି ଯାଇଛି ଯେ, ଏବେ ଅଣ୍ଡା ୩୦ ଟଙ୍କା, ଆଦା କିଲୋପ୍ରତି ୧୦୦୦ ଟଙ୍କା, ଏବଂ ଗହମ କିଲୋ ୬୦ ଟଙ୍କାରେ ପହଞ୍ଚିଛି । ଯାହା ପାକିସ୍ତାନର ବୁଡ଼ୁଥିବା ଅର୍ଥନୀତିର ପ୍ରତୀକ ବନିସାରିଛି ।  ସେଠାକାର ଅବସ୍ଥା ଏତେ ଖରାପ ହୋଇଯାଇଛି ଯେ, ଯଦି ଅଜାଣତରେ ଯଦି ଆପଣ ଡଜନେ ଅଣ୍ଡା କିଣନ୍ତି ତେବେ ଆପଣଙ୍କୁ ୨୪୦ ଟଙ୍କା ଦେବାକୁ ପଡ଼ିବ । ଏବଂ ଗୋଟିଏ ଅଣ୍ଡା କିଣିଲେ ୩୦ ଟଙ୍କା ଦେବାକୁ ପଡ଼ିବ । ପାକିସ୍ତାନର ଅଧିକାଂଶ ରାଜ୍ୟରେ ଚିକେନ ୩୦୦ ଟଙ୍କା କିଲୋ ବିକ୍ରି ହେଉଛି । ତେବେ ଏହି ମହଙ୍ଗା ମାଡ଼ କେବଳ ପଲିଟ୍ରି ଫାର୍ମରେ ଦେଖିବାକୁ ମିଳିନି ।

ପାକିସ୍ତାନରେ ପ୍ରାୟ ୨୫ ପ୍ରତିଶତ ଲୋକେ ଗରୀବ ସୀମାରେଖା ତଳେ ଜୀବନ ଯାବନ କରନ୍ତି । ଥଣ୍ଡା ଦିନରେ ଅଦା ଏବଂ ଅଣ୍ଡାର ଅମଳ ବଢ଼ିଥିବା ବେଳେ ଏହାର ଦର ଆକାଶ ଛୁଇଁଛି । ପାକିସ୍ତାନରେ ଗହମ ମଧ୍ୟ କିଲୋପ୍ରତି ୬୦ ଟଙ୍କା ଦରରେ ବିକ୍ରି ହେଉଛି ।   ସରକାରଙ୍କ ଅବସ୍ଥା ଏଭଳି ହୋଇଛି ଯେ, ଚୀନର ଦର ବୃଦ୍ଧି ରୋକିବା ନେଇ ଇମ୍ରାନ୍‌ ଖାନ୍‌ଙ୍କୁ ଲଗାତାର କ୍ୟାବିନେଟ୍ ବୈଠକ ଡାକିବାକୁ ପଡ଼ୁଛି । ପାକିସ୍ତାନ ବର୍ତ୍ତମାନ ସମୟରେ ଭୀଷଣ ଖାଦ୍ୟ ଅଭାବ ଦେଇ ଗତିକରୁଛି ।

ଏଥିୁସହିତ ପଢ଼ନ୍ତୁ : ଆଷ୍ଟ୍ରାଜେନିକା ଟିକାକୁ ଭାରତରେ ଜରୁରିକାଳୀନ ବ୍ୟବହାର ଅନୁମତି