ଅଭିନୟରେ ଶାହାରୁଖ୍ ଏବଂ ସଲମାନଙ୍କୁ ମାତ୍ ଦେଲେ ଇମ୍ରାନ୍ ଖାନ୍, ଫଜଲୁର ରେହମାନଙ୍କ ବିବାଦୀୟ ବୟାନ୍
ନୂଆଦିଲ୍ଲୀ: ପାକିସ୍ତାନରେ ଇମ୍ରାନ ଖାନଙ୍କ ବିରୋଧୀ ଏବଂ ପାକିସ୍ତାନ୍ ଡେମୋକ୍ରାଟିକ୍ ମୁଭମେଣ୍ଟ ମୁଖ୍ୟ ମୌଲାନା ଫଜଲୁର ରେହମାନ୍ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କୁ ନେଇ ଦେଇଛନ୍ତି ବିବାଦୀୟ ବୟାନ୍ । ତାଙ୍କ କହିବା ହେଉଛି ଈମ୍ରାନଙ୍କ ଉପରେ ଗୁଳିଚାଳନା ଏକ ପୂର୍ବ କଳ୍ପିତ ଯୋଜନା ଥିଲା ଏବଂ ଇମ୍ରାନ୍ ଅଭିନୟରେ ଶାହାରୁଖ ଏବଂ ସଲମାନଙ୍କୁ ପଛାରେ ପକାଇ ଦେଇଛନ୍ତି ।
ସୂଚନାଯୋଗ୍ୟ, ଗୁରୁବାର ଏକ ରାଲିରେ ଇମ୍ରାନଙ୍କ ଡାହାଣ ଗୋଡ଼ରେ ଗୁଳି ବାଜିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ରବିବାର ଇମ୍ରାନ ହସ୍ପିଟାଲରୁ ଲାହୋର ସ୍ଥିତ ତାଙ୍କ ଘରକୁ ଫେରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁସାରେ, କ୍ରିକେଟରରୁ ରାଜନେତା ହୋଇଥିବା ଇମ୍ରାନଙ୍କ ବିଷୟରେ ରେହମନ୍ କହିଛନ୍ତିଯେ, ପୂର୍ବରୁ ଯଦିଓ ଇମ୍ରାନଙ୍କୁ ନେଇ ତାଙ୍କ ମଧ୍ୟରେ ସହାନୁଭୂତି ଥିଲା, ଏବେ କିନ୍ତୁ ତାହା ସନ୍ଦେହରେ ପରିଣତ ହୋଇଛି ଏବଂ ତାହାକୁ ଏକ ଡ୍ରାମାର ରୂପ ଦେଇଛନ୍ତି ରେହମନ୍ । ତେବେ ଇମ୍ରାନଙ୍କୁ କାହିଁକି ବଜିରାବାଦ ହସ୍ପିଟାଲରେ ଭର୍ତ୍ତି କରିବା ପରିବର୍ତ୍ତେ ଲାହୋର ନିଆଗଲା, ତାହାକୁ ନେଇ ପ୍ରଶ୍ନ ଉଠାଇଛନ୍ତି ରେହମନ୍ ।
