କରୋନାକୁ ମାତ୍ ଦେବାକୁ ଟେଷ୍ଟିଂ ସହ ଟିକାକରଣକୁ ବିଏମସିର ଗୁରୁତ୍ୱ

ଭୁବନେଶ୍ୱର: ଟିକାକରଣ ପାଇଁ ବିଏମସି ପକ୍ଷରୁ ଆରମ୍ଭ ହେବ ସ୍ୱତନ୍ତ୍ର କାର୍ଯ୍ୟକ୍ରମ। ଚିହ୍ନଟ ତଥା ପଞ୍ଜିକୃତ ବାସହୀନଙ୍କର ଟିକାକରଣ କରାଯିବ। ଲୋକଙ୍କ ପାଖକୁ ଯାଇ ଟିକା ଦିଆଯିବ। ନିଳାଦ୍ରୀବିହାର ସ୍ଥିତ ସହରାଞ୍ଚଳ ବାସହୀନ ଥଇଥାନ କେନ୍ଦ୍ରରେ ହେବ ଟିକାକରଣ। ବିଏମସିର ୩ଟି ଯୋନରେ ଏହି କାର୍ଯ୍ୟକ୍ରମ କରାଯିବ। ଅନ୍ୟପଟେ ବୁଲା ବିକାଳିଙ୍କର ବାଧ୍ୟତାମୂଳକ ଟେଷ୍ଟିଂ କରାଯିବ।

ସେମାନେ ଅଧିକ ଲୋକଙ୍କ ସଂସ୍ପର୍ଷରେ ଆସୁଥିବାରୁ ଏପରି ନିଷ୍ପତ୍ତି ନିଆଯାଇଛି। ମୋବାଇଲ ଟେଷ୍ଟିଂ ଭ୍ୟାନ ମାଧ୍ୟମରେ ଟେଷ୍ଟିଂ କରାଯିବ। ବିଏମସି ନର୍ଥ ଜୋନରେ ଗୋପବନ୍ଧୁ ଷ୍ଟାଡିୟମ ନିକଟ ମାଛ ମାର୍କେଟରୁ ଆରମ୍ଭ ହେବ ଅଭିଯାନ। ପୂର୍ବରୁ ସହରାଞ୍ଚଳ ବାସହୀନଙ୍କର ସ୍ୱାସ୍ଥ୍ୟ ପରୀକ୍ଷାକୁ ଗୁରୁତ୍ୱ ଦିଆଯାଇଥିଲା। କରୋନାକୁ ମାତ୍ ଦେବାକୁ ଟେଷ୍ଟିଂ ସହ ଟିକାକରଣକୁ ପ୍ରାଥମିକତା ଦେଉଛି ବିଏମସି।