ପୁଣି ବଢିଲା ତାପମାତ୍ରା, ଆହୁରି ତିନି ଦିନ ଉପକୂଳରେ ତାତି ସାଙ୍ଗକୁ ଅସହ୍ୟ ଗୁଳୁଗୁଳି

ଭୁବନେଶ୍ବର: ରାଜ୍ଯକୁ ପୁଣି ଫେରିଲା ଗ୍ରୀଷ୍ମପ୍ରବାହ । ଗତ ଦୁଇଦିନ ଅପେକ୍ଷା ଆଜି ତାପାମାତ୍ରା ବୃଦ୍ଧି । ଆଗାମୀ ୨ ରୁ ୩ ଦିନ ରାଜ୍ୟରେ ଅଧିକାଂଶ ସ୍ଥାନରେ ତାପମାତ୍ରା ବଢିବା ସହ ଉପକୂଳ ତଥା ଏହାର ପାର୍ଶ୍ଵବର୍ତ୍ତୀ ସ୍ଥାନମାନଙ୍କରେ ଗୁଳୁଗୁଳି ଅଧିକ ରହିପାରେ ବୋଲି ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ତେବେ ଅପରାହ୍ନ ସମୟରେ ଆଭ୍ୟନ୍ତରୀଣ ତଥା ଦକ୍ଷିଣ ଓଡ଼ିଶାର କେତେକ ଜିଲ୍ଲାମାନଙ୍କରେ ବର୍ଷା ନେଇ ସମ୍ଭାବନା ରହିଛି। ବର୍ତ୍ତମାନର ଆକଳନ ଅନୁସାରେ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୁର୍ଣ୍ଣିବଳୟ ମିଆଁମାର ଆଡକୁ ଯିବା ସମ୍ଭାବନା କମ । ସମ୍ଭବତଃ ପଶ୍ଚିମବଙ୍ଗ-ଆନ୍ଧ୍ରପ୍ରଦେଶ ମୁହାଁ ହେବା ସମ୍ଭାବନା ଅଧିକ, ତେବେ କେବେ ଘନୀଭୂତ ହେବ ତାହା ଏବେଠୁ ଆକଳନ କରିବା କଷ୍ଟ।