ବେଆଇନ ବନ୍ଧୁକ ତିଆରି କାରଖାନା ଠାବ

ଅନୁଗୁଳ: ବେଆଇନ ବନ୍ଧୁକ ତିଆରି କାରଖାନା ଠାବ। ଅନୁଗୁଳ ପାଲଲହଡ଼ାରେ ବେଆଇନ ବନ୍ଧୁକ ତିଆରି କାରଖାନା ଠାବ କରିଛି ପୋଲିସ। ବେଆଇନ ଭାବେ ବନ୍ଧୁକ ତିଆରି ଚାଲିଥିବାବେଳେ ପୋଲିସ ମାଡିବସିଥିଲା। ଦେଶୀ ବନ୍ଧୁକ ସହ ଜଣକୁ ଗିରଫ କରିଯାଇଛି। ଗିରଫ ବ୍ୟକ୍ତି ଜଣକ ହେଲେ ପାଳଲହଡା ଉପଖଣ୍ଡ ଖମାର ଥାନା ଅନ୍ତର୍ଗତ ଜାମ୍ବୁଆ ଗାଁର ବଣୁ କିସାନ।

ଦୀର୍ଘଦିନ ହେବ ବେଆଇନ ଭାବେ ଦେଶୀ ବନ୍ଧୁକ ନିର୍ମାଣ କରି ୫ରୁ ୧୦ହଜାର ଟଙ୍କାରେ ବିକ୍ରି କରୁଥିଲେ। କୌଣସି ସୂତ୍ରରୁ ଖବର ପାଇ ରେଡ କରିଥିଲା ଖମାର ପୋଲିସ। ବନ୍ଧୁକ ତିଆରି ସାମଗ୍ରୀ ସହ ଗୋଟିଏ ଦେଶୀ ବନ୍ଧୁକ ଜବତ କରିଛି ପୋଲିସ। ଘଟଣାର ଅଧିକ ତଦନ୍ତ ଜାରି ପୋଲିସ ରଖିଛି । ମାମଲାରେ ଅନ୍ୟ ଜଣେ ବ୍ୟକ୍ତି ଅଟକ ଅଛନ୍ତି। ଅଟକ ବ୍ୟକ୍ତି ଜଣକ ସେହି ଗ୍ରାମର ଜର୍ଜ କମଲ ବୋଲି ଜଣାପଡିଛି।