ଗୋରୁ ଚାଲାଣ ବେଳେ ଧରାପଡିଲେ; ନିସ୍ତୁକ ପିଟିଲେ ଗ୍ରାମବାସୀ

ବାଲେଶ୍ୱର: ଗୋରୁ ଚାଲାଣ ବେଳେ ଗାଡ଼ି ଜବତ । ୮ ଗୋରୁ ବେପାରୀଙ୍କୁ ଗଛରେ ବାନ୍ଧିଲେ ଗ୍ରାମବାସୀ ଓ ବଜରଙ୍ଗୀ ଦଳ ।

ବାଲେଶ୍ୱର ଜିଲ୍ଲା ସିମୁଳିଆ ଥାନା ହରିପୁର ରାସ୍ତାରେ ଏକ ମିନି ପିକଅପ ଭ୍ୟାନରେ ଗୋ ଚାଲାଣ ହେଉଥିବାର ସ୍ଥାନୀୟ ଲୋକେ ଖବର ପାଇଥିଲେ ।  ହରିପୁର ଛକ ନିକଟରେ ଗାଡିକୁ ଅଟକାଇବା ସହିତ ଗାଡିରେ ଥିବା ୮  ଗୋରୁୁ ବେପାରୀଙ୍କୁ କାବୁ କରି ଗଛରେ ବାନ୍ଧି ଦେଇଥିଲେ।

ଘଟଣାସ୍ଥଳରେ ସିମୁଳିଆ ପୋଲିସ ପହଞ୍ଚି ୮ଟି ଗାଈ ଓ ବାଛୁରୀ ଉଦ୍ଧାର କରିବା ସହିତ ୮ ବେପାରୀଙ୍କୁ ଥାନାକୁ ନେଇଥିବା ଜଣାପଡ଼ିଛି । ସୂଚନାଅନୁସାରେ ସିମୁଳିଆ ଥାନା ୧୬ ନଂ ଜାତୀୟ ରାଜପଥରେ ପୋଲିସ ପେଟ୍ରୋଲିଂ ଯୋଗୁଁ ଗ୍ରାମ ରାସ୍ତା ଦେଇ ଚୋରା ଗୋଚାଲାଣ ହେଉଥିଲା ।