ରାତି ଅଧରେ ସ୍ପେଶାଲ୍ ସ୍କ୍ୱାର୍ଡର ଚଢାଉ, ଜବତ ହେଲା ବିପୁଳ ପରିମାଣର ବିଦେଶୀ ମଦ
ଭୁବନେଶ୍ୱର: ରାଜଧାନୀରୁ ବିପୁଳ ପରିମାଣର ବିଦେଶୀ ମଦ ଜବତ । ସ୍ପେଶାଲ୍ ସ୍କ୍ୱାର୍ଡ ଏବଂ ଲକ୍ଷ୍ମୀସାଗର ପୋଲିସର ରାତି ଅଧିଆ ଚଢାଉ । ଚଢାଉ ବେଳେ ଷ୍ଟେସନ ବଜାରର ଗୋଟିଏ ଘରୁ ୬୦୦ ବୋତଲ ବିଦେଶୀ ମଦ ଓ ବିପୁଳ ପରିମାଣର ଆସ୍କା ଫଟି ଜବତ କରିଛି ସ୍ପେଶାଲ୍ ସ୍କ୍ୱାର୍ଡ ।
ଜବତ ମଦର ଆନୁମାନିକ ମୂଲ୍ୟ ୪ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । ସେପଟେ ମଦ ବିକ୍ରେତାର ପରିଚୟକୁ ଚିହ୍ନଟ କରାଯାଇଛି । ବିକ୍ରେତାକୁ ଖୁବଶୀଘ୍ର ଗିରଫ କରାଯିବ ବୋଲି କମିଶନରେଟ ପୋଲିସ ପକ୍ଷରୁ ସୂଚନା ଦିଆଯାଇଛି ।
