ବେଆଇନ ବାଣ ଦୋକାନ ଉପରେ ଚଢ଼ାଉ, ୪ ଗିରଫ

ସାନଖେମୁଣ୍ଡି: ବେଆଇନ ବାଣ ଦୋକାନ ଉପରେ ଚଢାଉ । ସାନଖେମୁଣ୍ଡି ଡେଙ୍ଗାଉସ୍ତା ମାର୍କେଟର ବିଭିନ୍ନ ସ୍ଥାନରେ ବିକ୍ରି ହେଉଥିବା ବେଆଇନ ବାଣ ଦୋକାନ ଉପରେ ଚଢ଼ାଉ କରିଛି ପାଟପୁର ଏବଂ ଦିଗପହଣ୍ଡି ପୋଲିସ । ବାଣ ଦୋକାନ ଉପରେ ଚଢ଼ାଉ କରି ପ୍ରାୟ ଲକ୍ଷାଧିକ ଟଙ୍କାର ବାଣ ଜବତ କରିବା ସହ ୪ ଜଣଙ୍କୁ ଗିରଫ କରିଛି ପୋଲିସ । ସାନଖେମୁଣ୍ଡି ତହସିଲଦାରଙ୍କ ଉପସ୍ଥିତିରେ ଏହି ଚଢ଼ାଉ ହୋଇଥିଲା । ତେବେ ଜବତ ହୋଇଥିବା ବାଣର ଆନୁମାନିକ ମୂଲ୍ୟ ୧୦ ଲକ୍ଷରୁ ଅଧିକ ହେବ ବୋଲି ସୂଚନା ମିଳିଛି । ତେବେ ଦୀପାବଳି ପାଇଁ ପ୍ରଶାସନ ପକ୍ଷରୁ ଲାଇସେନ୍ସ ମିଳିନଥିବା ବେଳେ ବେଆଇନ ଭାବେ ବିକ୍ରି କରୁଥିଲେ ବାଣ ।