ପ୍ରକାଶ ପାଇଲା ଜାତୀୟ ଶିକ୍ଷାନୁଷ୍ଠାନ ରାଙ୍କିଂ, ଶୀର୍ଷରେ ରହିଛି IIT ମାଡ୍ରାସ୍
1 min read
ନୂଆଦିଲ୍ଲୀ: NIRF ରାଙ୍କିଂରେ ଟପରେ IIT ମାଡ୍ରାସ । ନ୍ୟାସନାଲ ଇନଷ୍ଟିଚ୍ୟୁସନାଲ ରାଙ୍କିଂ ଫ୍ରେମଓ୍ୱର୍କର କଲେଜ ରାଙ୍କିଂ ତାଲିକାରେ ଲଗାତାର ଚାରି ବର୍ଷ ଧରି ଶୀର୍ଷରେ ରହିଛି ଆଇଆଇଟି ମାଡ୍ରାସ୍ । ଟପ୍ ତିନି ଶିକ୍ଷାନୁଷ୍ଠାନକୁ ସମ୍ମାନିତ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ଏହି ଲିଷ୍ଟର ପ୍ରଥମରେ IIT ମାଡ୍ରାସ ରହିଥିବାବେଳେ ଦ୍ୱିତୀୟରେ ରହିଛି ବେଙ୍ଗାଲୁରୁର ଇଣ୍ଡିଆନ ଇନଷ୍ଟିଚ୍ୟୁଟ ଅଫ୍ ସାଇନ୍ସ ଓ ତୃତୀୟରେ IIT ବମ୍ବେ ରହିଛି ।
ସେହିପରି IIS ବେଙ୍ଗାଲୁରୁ ବେଷ୍ଟ ୟୁନିଭର୍ସିଟି ମାନ୍ୟତା ପାଇଥିବା ବେଳେ ଦିଲ୍ଲୀର JNU ଓ ଜାମିଆ ମିଲିଆ ଇସଲାମିଆ ୟୁନିଭର୍ସିଟି ଦ୍ୱିତୀୟ ଓ ତୃତୀୟରେ ରହିଛି । IIT ମାଡ୍ରାସ୍ ବେଷ୍ଟ ଇଞ୍ଜିନିୟରିଂ କଲେଜର ମାନ୍ୟତା ପାଇଛି । ସେହିପରି IIT ଦିଲ୍ଲୀ ଓ IIT ବମ୍ବେ ଦ୍ୱିତୀୟ ଓ ତୃତୀୟରେ ରହିଛି । IIM ଅହମ୍ମଦାବାଦକୁ ଦେଶର ସର୍ବୋତ୍କୃଷ୍ଟ ବିଜନେସ ସ୍କୁଲର ମାନ୍ୟତା ମିଳିଛି । ଦିଲ୍ଲୀ ଏମସ୍ ଦେଶର ବେଷ୍ଟ ମେଡିକାଲ କଲେଜ ମାନ୍ୟତା ପାଇଛି ।
