କୁକୁରଙ୍କୁ ଖାଇବାକୁ ଦେଲେ ଦେବାକୁ ପଡ଼ିବ ୧୦ ହଜାର ଟଙ୍କା ଜରିମାନା
ନୂଆଦିଲ୍ଲୀ: ଆଇଆଇଟି ମାଡ୍ରାସରେ କୁକୁରଙ୍କୁ ଆତଙ୍କ ଖେଳିଯାଇଛି । ପ୍ରକୃତରେ ଆଇଆଇଟି ପ୍ରଶାସନ କ୍ୟାମ୍ପସ୍ ପରିସରରେ ବୁଲୁଥିବା କୁକୁରଙ୍କୁ ତଡ଼ିବା ପାଇଁ ଚେଷ୍ଟା କରୁଛି । ଯାହାର ବିରୋଧ କରୁଛନ୍ତି ଛାତ୍ର । ଏହାକୁ କ୍ୟାମ୍ପସ୍ ପ୍ରଶାସନ, କୁକୁରଙ୍କୁ ଖାଦ୍ୟ ନଦେବା ପାଇଁ ଛାତ୍ରଙ୍କୁ ଚେତାବନୀ ଦେଇଛନ୍ତି । ପ୍ରଶାସନ ପକ୍ଷରୁ ଏହାକୁ ନେଇ ନୋଟିସ୍ ବି ଜାରି କରାଯାଇଛି । ଯେଉଁ ଛାତ୍ର କୁକୁରଙ୍କୁ ଖାଇବାକୁ ଦେବେ ତ ତାଙ୍କ ଠାରୁ ୧୦ ହଜାର ଟଙ୍କା ଜରିମାନା ଆଦାୟ କରାଯିବ ।
ଖବର ଅନୁସାରେ ସୋସିଆଲ୍ ମିଡିଆ ଓ ଅନଲାଇନ୍ ପିଟିସନ ଜରିଆରେ ଏହାକୁ ନେଇ ଛାତ୍ର ସମର୍ଥନ ଯୋଗାଡ଼ କରୁଛନ୍ତି । କୁକୁରଙ୍କୁ କାହିଁକି କ୍ୟାମ୍ପସରୁ ହଟା ଯାଉଛି । ଲକଡାଉନ୍ ସମୟରେ ଏହି ନିର୍ବୋଧ ପଶୁଙ୍କୁ ଖାଇବାକୁ ଦେବା କଣ ପାପ ? ଏହି ପ୍ରସଙ୍ଗକୁ ନେଇ ସଂସ୍ଥାନର ପୂର୍ବ ଛାତ୍ର ଓ କର୍ମଚାରୀ ଟ୍ରାଇଫେନା ଡଡଲେ ପଶୁ କଲ୍ୟାଣ ପରିଷଦ ଓ ସାଂସଦ ମେନକା ଗାନ୍ଧିଙ୍କୁ ଇମେଲ ଜରିଆରେ ଅଭିଯୋଗ କରି ହସ୍ତକ୍ଷେପ ନିବେଦନ କରିଛନ୍ତି ।
ପୂରା ମାମଲା କଣ ?
ଆଇଆଇଟି ମାଡ୍ରାସ କୁକୁରଙ୍କୁ ହଟାଇବା ଲାଗି ନିଷ୍ପତ୍ତି ନେଇଛି । କାରଣ କିଛିଦିନ ତଳେ ବୁଲୁଥିବା କୁକୁର ଏକ ହରିଣକୁ ମାରି ଦେଇଥିଲେ । ଏହାପରେ ଚିନ୍ତିତ ହୋଇ ପଡ଼ିଥିବା କର୍ମଚାରୀ ଅଭିଯୋଗ କରିଥିଲେ । ତେବେ, ଛାତ୍ରଙ୍କ କହିବା କଥା କୁକୁର କ୍ୟାମ୍ପସ୍ ପରିସରରେ କେବେ କାହାକୁ ହଇରାଣ କରିନାହାଁନ୍ତି ।
