IIFL ଲୁଟ ଘଟଣାରେ ଲାଲା ସମେତ ୨ଜଣ ସହଯୋଗୀଙ୍କୁ ପୁଣି ୩ ଦିନିଆ ରିମାଣ୍ଡରେ ନେଲା କମିଶନରେଟ ପୋଲିସ
କଟକ: କଟକ ନୟାଗଡ଼ ଆଇଆଇଏଫଏଲ ଲୁଟ ଘଟଣା । ମାଷ୍ଟର ମାଇଣ୍ଡ ଲାଲା ଅମୃତ ରାୟ ସମେତ ୨ଜଣ ସହଯୋଗୀଙ୍କୁ ପୁଣି ୩ ଦିନିଆ ରିମାଣ୍ଡରେ ନେଇଛି କମିଶନରେଟ ପୋଲିସ । ସୁନା ଚୋରି ଆହୁରି ବାକି ଥିବା ବେଳେ ଅଧିକ ତଥ୍ୟ ପାଇଁ ରିମାଣ୍ଡରେ ନେଇଛି ପୋଲିସ । ଏ ଯାଏଁ ଲୁଟ ଘଟଣାରେ ୧୦ କିଲୋ ସୁନା ଗହଣା ଠାବ ହୋଇଥିବା ବେଳେ ୧୦ ଜଣଙ୍କୁ ଗିରଫ କରାଗଲାଣି ।
ସେମଧ୍ୟରେ ମାନାପୁରମର ଦୁଇଟି ବ୍ରାଞ୍ଚରୁ ୬ କିଲୋ ୭ ଶହ ସୁନା ମିଳିଥିଲା । ସଂସ୍ଥାରୁ ଠାବ ହୋଇଥିବା ସମସ୍ତ ସୁନା ପୋଲିସ ହେପାଜତରେ ରହିବ । ସୁନା ବନ୍ଧକ ଥିବା ଲୋକେ ଫେରାଇବା ଦାୟିତ୍ଵ ଆଇଆଇଏଫ୍ଏଲ ସଂସ୍ଥାର ବୋଲି କହିଛନ୍ତି ପୋଲିସ କମିଶନର । ନୟାସଡ଼କ ଆଇଆଇଏଫଏଲ ଫାଇନାନ୍ସ ଲୁଟ ଘଟଣାରେ ଦୁଇ ଅଳଙ୍କାର ବ୍ୟବସାୟୀଙ୍କୁ ଗିରଫ କରିଛି ପୋଲିସ ।
ମଙ୍ଗଳାବାଗ ଓ ପୁରୀଘାଟର ଦୁଇ ଅଳଙ୍କାର ବ୍ୟବସାୟୀଙ୍କୁ ଲୁଟ ଘଟଣାର ମାଷ୍ଟର ମାଇଣ୍ଡ ଲାଲା ସହିତ ସଂପୃକ୍ତି ନେଇ ଗିରଫ କରାଯାଇଛି । ପୂର୍ବରୁ ମାଷ୍ଟରମାଇଣ୍ଡ ଲାଲା ଅମୃତ ରାୟ ସମେତ ୫ ଅଭିଯୁକ୍ତଙ୍କୁ ୩ଦିନିଆ ରିମାଣ୍ଡରେ ନେଇଥିଲା କମିଶନରେଟ ପୋଲିସ ।
