‘ଦ କାଶ୍ମୀର ଫାଇଲ୍ସ’କୁ ଅଶ୍ଲୀଳ ଫିଲ୍ମ କହିଲେ ଆଇଏଫଏଫଆଇ ଜୁରୀ ମୁଖ୍ୟ

ପାନାଜୀ: ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ଫିଲ୍ମ ‘ଦ କାଶ୍ମୀର ଫାଇଲ୍ସ’ ପୁଣି ଥରେ ବିବାଦ ଘେରରେ ରହିଛି । ସଫଳତାର ଅନେକ ରେକର୍ଡ ଭାଙ୍ଗିଥିଲେ ମଧ୍ୟ ଫିଲ୍ମକୁ ନେଇ ବିବାଦ ଲାଗି ରହିଛି । ନିକଟରେ ଗୋଆରେ ଆୟୋଜିତ ୫୩ତମ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅଫ୍ ଇଣ୍ଡିଆ (IFFI)ର ଶେଷ ଦିନରେ ମଧ୍ୟ ଫିଲ୍ମ ଚର୍ଚ୍ଚାରେ ରହିଥିଲା । ସୂଚନାଯୋଗ୍ୟ, ଆଇଏଫଏଫଆଇର ଜୁରୀ ମୁଖ୍ୟ ଏହି ଫିଲ୍ମ ଉପରେ ପ୍ରଶ୍ନ ଉଠାଇଛନ୍ତି ।

ଜୁରୀ ମୁଖ୍ୟ ଏବଂ ଏସ୍ରାଏଲର ଫିଲ୍ମ ମେକର ନାଦବ ଲାପିଡ ଏହି ପିଲ୍ମକୁ ଅଶ୍ଲୀଳ ଓ ପ୍ରୋପାଗଣ୍ଡା ଫିଲ୍ମ କହିଛନ୍ତି । ଫେଷ୍ଟିଭାଲର କ୍ଲୋଜିଂ ସେରିମନି ସମୟରେ ଲାପିଡ ଏହି କଥା କହିଛନ୍ତି । ଏହି ଅବସରରେ କେନ୍ଦ୍ରୀୟ ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ମଧ୍ୟ ଉପସ୍ଥିତ ଥିଲେ । ଫିଲ୍ମର ସ୍କ୍ରିନିଂକୁ ନେଇ ଚକିତ ଓ ସ୍ତବ୍ଧ ଥିବା କହିଛନ୍ତି ନାଦବ । ଫିଲ୍ମକୁ ନିନ୍ଦା କରି ସେ କହିଛନ୍ତି, ଫିଲ୍ମ ଫେଷ୍ଟିଭାଲ ପ୍ରତିଯୋଗିତାରେ ସାମିଲ ହେବା ପାଇଁ ଏହା ଯୋଗ୍ୟ ନୁହେଁ।

ନାଦବଙ୍କ ବୟାନକୁ ନେଇ ଆମେ ଲଜ୍ଜିତ ବୋଲି ଇସ୍ରାଏଲ ରାଷ୍ଟ୍ରଦୂତ ନାଓର ଗିଲୋନ କହିଛନ୍ତି । କୌଣସି ଫିଲ୍ମକୁ ନେଇ ରାଜନୈତିକ ଟିପ୍ପଣୀ ରଖିବା ଜୁରୀ ସଦସ୍ୟଙ୍କ କାମ ନୁହେଁ । ଫିଲ୍ମ କେବଳ ପ୍ରଚାର ପାଇଁ ଥିଲା । ଏହି ଫିଲ୍ମ ଏକ ପ୍ରତିଷ୍ଠିତ ଫିଲ୍ମ ସମାରୋହର ଏକ ପ୍ରତିଯୋଗିତା ସେକ୍ସନ ପାଇଁ ଉଚିତ ନୁହେଁ । ଜୁରୀ ମୁଖ୍ୟଙ୍କ ଏହି ବୟାନ ପରେ ଭାରତରେ ପ୍ରତିକ୍ରୀୟ ପ୍ରକାଶ ପାଇଛି । ଅନୁପମ ଖେରଙ୍କଠୁ ଆରମ୍ଭ କରି ଅନେକ ବଡ଼ ବଡ଼ ତାରକା ତାଙ୍କ ବୟାନକୁ ନିନ୍ଦା କରିଛନ୍ତି । ଏବଂ କ୍ଷମା ମାଗିବା ପାଇଁ ଦାବି କରିଛନ୍ତି ।

ଅନ୍ୟପକ୍ଷରେ ଭାରତରେ ଏସ୍ରାଏଲର ରାଷ୍ଟ୍ରଦୂତ ଥିବା ନାଓର ଗିଲନ ନଦାଭଙ୍କ ଏହି ବୟାନକୁ ନିନ୍ଦା କରିଛନ୍ତି । ପ୍ରକାଶଥାଉକି, ଅନୁପମ ଖେର, ମିଥୁନ ଚକ୍ରବର୍ତ୍ତୀ ଏବଂ ପଲ୍ଲଭି ଯୋଶୀଙ୍କ ଭଳି ତାରକାଙ୍କୁ ନେଇ ନିର୍ମିତ ଏହି ସିନେମା ୧୧ ମାର୍ଚ୍ଚ ୨୦୨୨ରେ ରିଲିଜ ହୋଇଥିଲା । ଥିଏଟରରେ ଭଲ ବ୍ୟବସାୟ କରିଥିଲା ଏହି ସିନେମା । ଏହି ସିନେମାରେ କାଶ୍ମୀରୀ ପଣ୍ଡିତଙ୍କ ସହ ହୋଇଥିବା ଅତ୍ୟାଚାର ଓ ବର୍ବରତାକୁ ଦେଖାଯାଇଛି ।