ଯୁବରାଜ ସିଂଙ୍କ ବାପା ହେବେ କି ପାକିସ୍ତାନର କୋଚ୍ ? ଜାଣନ୍ତୁ କାହିଁକି କହିଲେ ବର୍ଷକରେ..

ନନ୍ଦିଘୋଷ ବ୍ୟୁରୋ: ଭାରତ ବିପକ୍ଷ ମ୍ୟାଚରେ ପାକିସ୍ତାନର ପରାଜୟ ପରେ ସବୁଠି ସମାଲୋଚନା କରାଯାଉଛି । ପାକିସ୍ତାନ ଟିମକୁ ସୋସିଆଲ ମିଡିଆରେ ବିଭିନ୍ନ ଟ୍ରୋଲ କରାଯାଉଥିବା ମଧ୍ୟ ଦେଖିବାକୁ ମିଳୁଛି । ତେବେ ପାକିସ୍ତାନକୁ ପ୍ରଶିକ୍ଷଣ ଦେବେ କି ଯୁବରାଜ ସିଂଙ୍କ ବାପା ତଥା ପୂର୍ବତନ କ୍ରିକେଟର ଯୋଗରାଜ ସିଂ । କାହିଁକି ନା ଯୋଗରାଜ କହିଛନ୍ତି କି, ମୁଁ ଯଦି ପାକିସ୍ତାନର କୋଚ ହୁଏ ତାହେଲେ ଗୋଟିଏ ବର୍ଷ ମଧ୍ୟରେ ଏକ ଭଲ ଦଳ ଗଢ଼ିପାରିବି । ତେବେ ପୂର୍ବତନ ପାକିସ୍ତାନୀ କ୍ରିକେଟର ସୋଏବ ଅଖତର ଏବଂ ଓ୍ବାସିମ ଆକ୍ରାମ ପାକିସ୍ତାନର ଖେଳାଳିଙ୍କୁ ସମାଲୋଚନା କରୁଥିବାବେଳେ ଏହା ଯୋଗରାଜଙ୍କୁ ପସନ୍ଦ ଆସିନାହିଁ । କହିଛନ୍ତି କି, ଓ୍ବାସିମ ଆକ୍ରାମ ଜଣେ ଏତେ ବଡ଼ ଖେଳାଳି ହୋଇ ଏପରି କହିବା ଉଚିତ୍ ନୁହେଁ । ଲୋକେ ତାଙ୍କ ଉପରେ ହସୁଛନ୍ତି । ତୁମେ ଏଠାରେ କମେଟ୍ରି କରି ଟଙ୍କା କମାଉଛ । ଏପରି କହିବା ଉଚିତ୍ ନୁହେଁ । ତୁମେ ପ୍ରଥମେ ନିଜ ଦେଶକୁ ଯାଇ ନିଜ ଖେଳାଳିଙ୍କ କ୍ୟାମ୍ପରେ ଯୋଗ ଦେଇ ସେମାନଙ୍କୁ ପ୍ରଶିକ୍ଷଣ ଦିଅ । ଦଳରେ ବହୁ ପ୍ରତିଭାବାନ ଖେଳାଳି ରହିଛନ୍ତି । ସେମାନେ ଆଗାମୀ ବିଶ୍ବକପ ମଧ୍ୟ ଜିତାଇପାରିବେ । ଏହାସହ ସେ କହିଛନ୍ତି କି, ଯଦି ମୋତେ ସୁଯୋଗ ମିଳେ ତାହେଲେ ଏମିତି ଏକ ଟିମ୍ ଗଠନ କରିବି ଯାହାକୁ ସମସ୍ତେ ମନେ ରଖିବେ ।