ନିଶ୍ୱାସ ନେବାରେ କଷ୍ଟ ହେଉଛି କି ? ଜାଣନ୍ତୁ, କ’ଣ କରିବେ…

ଭୁବନେଶ୍ୱର: କରୋନା ସଂକ୍ରମଣ ଯୋଗୁଁ ଅଧିକାଂଶ ରୋଗୀ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହେଉଛନ୍ତି । ଅମ୍ଳଜାନର ସ୍ତର ହ୍ରାସ ପାଉଥିବାରୁ ଡାକ୍ତରଖାନାଗୁଡ଼ିକରେ ଭେଣ୍ଟିଲେଟର ଉପଲବ୍ଧ ହେଉ ନାହିଁ । ଏମିତି ରୋଗୀଙ୍କ ପାଇଁ ପ୍ରୋନ ପୋଜିସନ ଅକ୍ସିଜେନେସନ୍ ପାଖାପାଖି ୮୦ ପ୍ରତିଶତ ପର୍ଯ୍ୟନ୍ତ ପ୍ରଭାବଶାଳୀ । ପ୍ରତ୍ୟେକ ଚିକିତ୍ସା ପ୍ରଣାଳୀର ବିଶେଷଜ୍ଞ ଡାକ୍ତରମାନେ ଡାକ୍ତରଖାନାରେ ଭର୍ତ୍ତି କରୋନା ରୋଗୀଙ୍କ ପାଇଁ ଏହାକୁ ‘ସଞ୍ଜିବନୀ’ ବୋଲି ବର୍ଣ୍ଣନା କରିଛନ୍ତି।

ନିଶ୍ୱାସ ନେବାରେ ଅସୁବିଧା ହେଲେ, ଏହି ଅବସ୍ଥାରେ, ଯେତେବେଳେ ୪୦ ମିନିଟ୍ ପର୍ଯ୍ୟନ୍ତ ଶୋଇଲେ, ଅମ୍ଳଜାନ ପ୍ରବାହ ଶରୀରକୁ ବଢିଥାଏ । ପେଟରେ ଭରା ଦେଇ ଶୋଇବା ଦ୍ୱାରା ଭେଣ୍ଟିଲେସନ୍ ଉନ୍ନତ ହୁଏ । ନିଶ୍ୱାସ ନେବାରେ ଅସୁବିଧା ହେଲେ କୋଭିଡ ରୋଗୀଙ୍କୁ ଏହି ପ୍ରକ୍ରିୟା ଚେଷ୍ଟା କରିବାକୁ ଡାକ୍ତରମାନେ ପରାମର୍ଶ ଦେଇଛନ୍ତି। ଏହି ପୋଜିସନ୍ କୁ ଏକ୍ୟୁଟ୍ ରେସ୍ପିରେଟରୀ ଡିସଟ୍ରେସ୍ ଅବସ୍ଥାରେ କରାଯାଏ । ଏହି ସ୍ଥିତିରେ ଫୁସ୍ ଫୁସ୍ ର ତଳ ଅଂଶକୁ ପାଣି ଆସେ ।

ଶରୀରକୁ ଏଭଳି ପୋଜିସନକୁ ଆଣିବା ବେଳେ ବେକ ଓ ପେଟ ପାଖରେ ତକିଆ ରଖିବା ନିହାତି ଆବଶ୍ୟକ । ପ୍ରତି ୬ରୁ ୭ ଘଣ୍ଟା ବ୍ୟବଧାନରେ ୪୦ରୁ ୪୫ ମିନିଟ ଏଭଳି କରାଯିବା ଉଚିତ୍ । ଏହାବ୍ୟତୀତ ପେଟ ମାଡ଼ି ଶୋଇବା ବେଳେ ହାତକୁ ଅଣ୍ଟା ପାଖରେ ରଖନ୍ତୁ ।  ରକ୍ତ ସଞ୍ଚାଳନକୁ ସ୍ୱାଭାବିକ କରିବା ପାଇଁ ଏଭଳି କରାଯାଇଥାଏ । ସଙ୍ଗୀନ କରୋନା ରୋଗୀଙ୍କ କ୍ଷେତ୍ରରେ ମଧ୍ୟ ଏହା ଫଳପ୍ରଦ ହୁଏ  । ଡ଼ାକ୍ତରଖାନାରେ ଭେଣ୍ଟିଲେଟର ନମିଳିବା ପର୍ଯ୍ୟନ୍ତ ଏଭଳି ପଦ୍ଧତିରେ ଚିକିତ୍ସା କରାଯାଇପାରିବ । ଏହାକୁ ପ୍ରୋନ୍ ପୋଜିସନ କୁହାଯାଇଥାଏ । ପ୍ରାୟତଃ ୮୦ ପ୍ରତିଶତ କ୍ଷେତ୍ରରେ ଏଭଳି କରିବା ଦ୍ୱାରା ସଫଳତା ମିଳିଥାଏ ।