ଆଜି ଯଦି ଭୋଟ୍ ହୁଏ, ଦେଶରେ ଏନ୍ଡିଏ ଖସିବ, ପୂର୍ଣ୍ଣ ବହୁମତ ପାଇବା ବି କଷ୍ଟକର ହେବ
1 min read
ନୂଆଦିଲ୍ଲୀ: ପ୍ରତିବର୍ଷ ଭାରତୀୟ ରାଜନୀତି ପାଇଁ ଅନେକ ଆହ୍ୱାନ ଚଲାପଥରେ ଓଗାଳ ହୁଏ । ସେଥିରେ ପଞ୍ଚାୟତଠୁ ରାଜ୍ୟ ସରକାର ଗଠନ ଯାଏ ରାଜନୀତି, ବିଭିନ୍ନ ସଂଗଠନର ଦାବି, ଆନ୍ଦୋଳନ, ଧମକ ଏବଂ ପରିବର୍ତ୍ତିତ ରାଜନୀତିକ ସମୀକରଣ କେନ୍ଦ୍ର ସରକାରଙ୍କ ଭାବମୂର୍ତ୍ତିକୁ କ୍ଷୁଣ୍ଣ କରି ନୂଆ ଏକ ବିରୋଧାଭାସ ସୃଷ୍ଟି କରିଦିଏ । ଯଦିଓ ଏବର୍ଷର ମାସଟିଏ ବି ସରି ନାହିଁ ତଥାପି ଦେଶର ମତ ବା “ଦେଶ୍ କା ମୁଡ୍’ କୁଆଡ଼େ ଯିବ ବା ଯାଉଛି ତାହା ଆଗକୁ ହେବାକୁ ଥିବା ନିର୍ବାଚନକୁ ନିଶ୍ଚିତ ପ୍ରତିଫଳିତ କରିବା ଆଶଙ୍କାକୁ ଏଡ଼ାଇ ଦିଆଯାଇ ନପାରେ । ପୁଣି ସଦ୍ୟ ପ୍ରକାଶିତ ଏବିପି-ସି’ ଭୋଟର ତାଲିକାରେ ବିଜେପି ନେତୃତ୍ୱାଧୀନ ଏନ୍ଡିଏକୁ ୧୦୦ ଆସନର ଘାଟା ସହିବାକୁ ପଡ଼ିପାରେ ବୋଲି ଆଶଙ୍କା କରାଯାଇଛି । ଯଦି ଏହା ହୁଏ ତେବେ ଆଜି ନିର୍ବାଚନ ହେଲେ ଏନ୍ଡିଏ କେନ୍ଦ୍ରରେ ସରକାର ଗଠନ ପାଇଁ ଅନ୍ୟ ଆଞ୍ଚଳିକ ଓ କ୍ଷୁଦ୍ର ଦଳଙ୍କ ପାଖରେ ହାତ ପତାଇବାକୁ ବାଧ୍ୟ ହେବ ।
ପ୍ରଥମେ ରାଜ୍ୟମାନଙ୍କ କଥା:
ଏବର୍ଷ ଆସାମ, କେରଳ, ତାମିଲ୍ନାଡ଼ୁ, ପଶ୍ଚିମବଙ୍ଗ ଏବଂ ପୁଡୁଚେରୀରେ ନିର୍ବାଚନ ହେବାକୁ ଯାଉଛି । କୌଣସି ସମ୍ଭାବ୍ୟ ସାମ୍ବିଧାନିକ ସଙ୍କଟକୁ ଏଡ଼ାଇବା ଲାଗି ଏପ୍ରିଲ୍ ଅଥବା ମେ ମାସରେ ଭୋଟ୍ ଗ୍ରହଣ କରିବାକୁ ଭାରତର ନିର୍ବାଚନ ଆୟୁକ୍ତ ଘୋଷଣା କରିପାରନ୍ତି । ପୁଣି ଯଦି ସବୁ କିଛି ଠିକ୍ ଚାଲେ ତେବେ ରାଷ୍ଟ୍ରପତି ଶାସନରେ ପରିଚାଳିତ ଜମ୍ମୁ ଓ କଶ୍ମୀରରେ ବି ଏ ବର୍ଷ ନିର୍ବାଚନ ସମ୍ଭାବନାକୁ ଏଡ଼ାଇ ଦିଆଯାଇ ନପାରେ ।
ଜମ୍ମୁ ଓ କଶ୍ମୀରକୁ ଛାଡ଼ି ଯଦି ଅନ୍ୟ ପାଞ୍ଚଟି ରାଜ୍ୟ କଥା ଚିନ୍ତା କରାଯାଏ ତେବେ ଆସାମ ବ୍ୟତୀତ ଅନ୍ୟ ସମସ୍ତ ରାଜ୍ୟରେ ଆଞ୍ଚଳିକ ଦଳ ଶାସନ କରୁଛନ୍ତି । କିନ୍ତୁ ଏହି ରାଜ୍ୟଗୁଡ଼ିକ ଭାରତୀୟ ରାଜନୀତିକ ପାଣିପାଗକୁ ଶେଷ ମୁହୂର୍ତ୍ତରେ ବି ବଦଳାଇ ଦେବା କ୍ଷମତା ବହନ କରନ୍ତି । ତାଛଡ଼ା ଆସାମ ଓ ପୁଡୁଚେରୀରେ ନିଜ କ୍ଷମତା ବଞ୍ଚାଇ ରଖିବା ଲାଗି ଓ ଅନ୍ୟ ରାଜ୍ୟଗୁଡ଼ିକୁ ଦଖଲ କରିବା ଲାଗି ଉଭୟ ବିଜେପି ଓ କଂଗ୍ରେସ ପ୍ରାଣପଣେ ଉଦ୍ୟମ କରିବା ବାଞ୍ଛନୀୟ । ଏଣୁ ଏପ୍ରିଲ୍ ଅଥବା ମେ ମାସରେ ହେବାକୁ ଥିବା ଏହି ନିର୍ବାଚନଗୁଡ଼ିକରେ ସାରା ଭାରତର ମିଡିଆ ଓ ଜନସାଧାରଣଙ୍କ ଧ୍ୟାନ ଆକର୍ଷିତ ହେବା ସ୍ୱଭାବିକ ।
ଯଦିଓ ଓଡ଼ିଶାରେ ଏମିତି କିଛି ପରିବର୍ତ୍ତନ ଆଶଙ୍କା ହୋଇ ନାହିଁ କିନ୍ତୁ ଏବର୍ଷ ଆମ ରାଜ୍ୟରେ ପଞ୍ଚାୟତ ଓ ପୌର ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହାଛଡ଼ା ପିପିଲି ବିଧାନସଭା ଆସନ ପାଇଁ ଉପ ନିର୍ବାଚନ ନିଶ୍ଚିତ ହେବ । ବିଜେଡି ବିଧାୟକ ପ୍ରଦୀପ ମହାରଥୀଙ୍କ ଦେହାନ୍ତ ପରେ ଏହି ଆସନ ଏବେ ଖାଲି ପଡ଼ିଛି । ଏଣୁ ଆମ ରାଜ୍ୟର ପ୍ରତିଟି ଘରେ ରାଜନୀତିକ ଉଷ୍ମତା ନିଶ୍ଚିତ ଭାବେ ବାରି ହେବ ।
ସରକାର ପାଇଁ କସରତ ଚାଲିଥିବା ରାଜ୍ୟୱାରୀ ପରିସ୍ଥିତିକୁ ନଜର ପକାଇଲେ କେରଳ, ତାମିଲ୍ନାଡ଼ୁ ଏବଂ ପଶ୍ଚିମବଙ୍ଗ ଯଦିଓ ତୃତୀୟ ପକ୍ଷଙ୍କ ଦ୍ୱାରା ଅଧିକୃତ କିନ୍ତୁ କେନ୍ଦ୍ରରେ ଶାସନ ଏବଂ ବିରୋଧୀ ଦଳ ନେତୃତ୍ୱ ନେଉଥିବା ବିଜେପି ଓ କଂଗ୍ରେସ ପରସ୍ପର ଉପରକୁ କାଦୁଅ ଫୋପାଡ଼ିବେ । କେରଳରେ ଏବେ ବାମପନ୍ଥୀ ଶାସନ ଚାଲିଛି । ଏହି ରାଜ୍ୟର ରାଜନୀତିକ ଇତିହାସରେ ବାମପନ୍ଥୀ ଯଥେଷ୍ଟ ସୁଦୃଢ଼ ରହିଛି । କେବେ କେବେ କଂଗ୍ରେସ ମେଣ୍ଟ କରିଛି କିନ୍ତୁ ବିଜେପି ପାଇଁ ସୁଯୋଗ ସୃଷ୍ଟି ହୋଇ ନାହିଁ । ଏଣୁ ଗଡ଼ ଭେଦି ନିଜର ପଦ୍ମ ଫୁଟାଇବାକୁ ଦଳୀୟ ନେତାମାନେ ଚାହିଁବେ ।
ତାମିଲ୍ନାଡ଼ୁରେ ଆମ୍ମାଙ୍କ ଦେହାନ୍ତ ପରେ ପାର୍ଟି ଯଦିଓ ରହିଛି କିନ୍ତୁ ପରୋକ୍ଷରେ ତାହା ବିଜେପି ଆଶୀର୍ବାଦପ୍ରାପ୍ତ ବୋଲି ଚର୍ଚା ହୁଏ । ଏଠି ଶାସକ ଏଆଇଏଡିଏମ୍କେର ପରମ ବିରୋଧୀ ହେଉଛି ଡିଏମ୍କେ । ଏଣୁ ଯଦି ମେଣ୍ଟ ନହୁଏ ତେବେ ଯିଏ ସରକାରକୁ ଆସିବ ତା’ ପାଇଁ କେନ୍ଦ୍ରୀୟ ଆବଶ୍ୟକତା ରହିବ ।
ପଶ୍ଚିମବଙ୍ଗରେ ଏବେ ସ୍ଥିତି ଗମ୍ଭୀର ଦେଖାଯାଉଛିି । କିନ୍ତୁ ତୃଣମୂଳ କଂଗ୍ରେସକୁ ଉପଡ଼ିବା କଷ୍ଟକର । ଏବିପି-ସି’ ଭୋଟର ସର୍ବେକ୍ଷଣ ଅନୁସାରେ ଏଠାରେ ବିଜେପିର ସ୍ଥିତି ନଗଣ୍ୟ ହେବ । ୨୯୪ ଆସନ ବିଶିଷ୍ଟ ବିଧାନସଭାରୁ ୨୫୭ ତୃଣମୂଳ କଂଗ୍ରେସ, କଂଗ୍ରେସ ଏବଂ ଅନ୍ୟ ବାମ ସହଯୋଗୀଙ୍କ ହାତରେ ଯିବ । ବାକି ୪୭ ଆସନରେ ବିଜେପି ନିଜର କରାମତି ଦେଖାଇପାରେ । ଏ ସଂଖ୍ୟା ଯଦି ସତ ହୁଏ ତେବେ ବିଜେପିର ଅସ୍ତିତ୍ୱ ୨୩ରୁ ୪୭କୁ ବଢ଼ିବ । ଅର୍ଥାତ୍ ଦୁଇଗୁଣିତ ହୋଇପାରେ । କିନ୍ତୁ ଲୋକସଭା ଆସନ ପାଇଁ ଯଦି ନିର୍ବାଚନ ହୁଏ ତେବେ ବିଜେପି ସ୍ଥିତି ବିଗିଡ଼ିବା ଆଶଙ୍କା ରହିଛି। ଏନ୍ଡିଏକୁ ମାତ୍ର ୭ ଆସନରେ ସୀମିତ କରିଛି ସର୍ବେକ୍ଷଣ। ଏଥିରେ କୁହାଯାଇଛି ଯେ, ପରିସ୍ଥିତି ଏପରି ରହିଲେ ୟୁପିଏ ୧ଆସନ ପାଇବ। ଏବଂ ୩୪ ଆସନ ଅନ୍ୟମାନଙ୍କ ହାତକୁ ଯିବ। ୨୦୧୯ ନିର୍ବାଚନରେ ଦଳ ୧୮ଟି ଆସନେ ବିଜୟୀ ହୋଇଥିଲା। ପୂର୍ବ ନିର୍ବାଚନରେ ଏହି ବିଜୟୀ ଆସନ ସଂଖ୍ୟା ମାତ୍ର ୨ ଥିଲା।
କିନ୍ତୁ କେରଳରେ ଏନ୍ଡିଏର ଖାତା ଖୋଲିବ ନାହିଁ । ସେଠାରେ କଂଗ୍ରେସ ନେତୃତ୍ୱାଧୀନ ୟୁପିଏ ସମସ୍ତ ଆସନକୁ ଅକ୍ତିଆର କରିବ । ସେହିପରି ତାମିଲ୍ନାଡ଼ୁରେ ବିଜେପି ଗୁରୁତର ହେବ । ନିର୍ବାଚନ ପରେ ବିଧାନସଭାକୁ ନିଜ ନିୟନ୍ତ୍ରଣକୁ ଆଣିବାରେ ସକ୍ଷମ ହେଉଥିବା କେନ୍ଦ୍ର ସରକାରୀ ଦଳ କିନ୍ତୁ ଲୋକସଭା ପାଇଁ ଆସନ ଗୋଟାଇବାରେ ୨୦୨୪ ବେଳକୁ ସମସ୍ୟାରେ ପଡ଼ିପାରେ । ଏହି ରାଜ୍ୟରେ ସମସ୍ତ ୩୯ ଆସନ କଂଗ୍ରେସ ନେତୃତ୍ୱାଧୀନ ୟୁପିଏ ହାତକୁ ଯିବ ବୋଲି ଅନୁମାନ କରାଯାଇଛି । ସେହିପରି ଆସାମରେ ମଧ୍ୟ ବିଜେପି ଲାଗି ନକରାତ୍ମକ ସ୍ଥିତି ଦେଖା ଦେଇପାରେ । ଏଠାରେ ବିଜେପି ନେତୃତ୍ୱାଧୀନ ଏନ୍ଡିଏ ୬ ଆସନରେ ସମ୍ଭାବ୍ୟ ବିଜୟ ପାଇବାକୁ ଥିଲାବେଳେ ୟୁପିଏକୁ
