ନୂଆଦିଲ୍ଲୀ: କରୋନା ସଂକ୍ରମଣକୁ ଦୂରେଇବା ପାଇଁ ଭାରତ ସରକାର ଦେଶବ୍ୟାପୀ ଲକ୍ ଡାଉନ୍ ଜାରି କରିଛନ୍ତି। ଏହାଦ୍ୱାରା ଦେଶ ଆର୍ଥିକ ଦୃଷ୍ଟିକୋଣରୁ ୧୦ ବର୍ଷ ପଛକୁ ଚାଲିଯିବ ବୋଲି ୟୁନାଇଟେଡ୍ ନେଶନ୍ ବିଶ୍ୱବିଦ୍ୟାଳୟ(ୟୁଏନ୍ୟୁ) ପକ୍ଷରୁ ହୋଇଥିବା ଏକ ସର୍ଭେ ରିପୋର୍ଟରେ ପ୍ରକାଶ ପାଇଛି।
ଏହାଯୋଗୁ ଦେଶରେ ୧୦ କୋଟି ୪୦ ଲକ୍ଷ ନୂଆ ଗରିବ ସୃଷ୍ଟି ହେବେ। ସେହିପରି ବର୍ତ୍ତମାନ ଦେଶରେ ବିପିଏଲ୍ଙ୍କ ସଂଖ୍ୟା ୮୧ କୋଟି ୧୦ ଲକ୍ଷ ଥିବାବେଳେ ଏହା ବଢ଼ି ୯୧ କୋଟି ୫୦ ଲକ୍ଷ ହେବାର ଆଶଙ୍କା ରହିଛି। ଏଥିପାଇଁ ସରକାରଙ୍କୁ ନୂଆ ଆର୍ଥିକ ବିକାଶ ଯୋଜନା ଊପରେ ଅଧିକ ଧ୍ୟାନ କେନ୍ଦ୍ରୀତ କରିବାକୁ ପଡ଼ିବ ବୋଲି ରିପୋର୍ଟରେ କୁହାଯାଇଛି।
ଶ୍ରମ ସଂଗଠନ(ଆଇଏଲ୍ଓ) କହିଛି ଯେ, ଲକ୍ ଡାଉନ୍ ଯୋଗୁ ଭାରତରେ ୪୦ କୋଟି ଲୋକ ଗରିବ ହୋଇଯିବେ। ଅଣ-ସଂଗଠିତ କ୍ଷେତ୍ରରେ ବହୁ କର୍ମଚାରୀ ନିଯୁକ୍ତି ହରାଇବେ ବୋଲି ଆଇଏଲ୍ଓ କହିଛି ।
