ATMରେ ଟ୍ରାଞ୍ଜାକ୍ସନ ଫେଲ ହେବା ପରେ ଆପଣଙ୍କ ଟଙ୍କା ଫେରିନାହିଁ କି ? ବ୍ୟାଙ୍କ ପ୍ରତି ଦିନ ଦେବେ ୧୦୦ ଟଙ୍କାର ଫାଇନ୍

ନୂଆଦିଲ୍ଲୀ: ଅନେକ ଥର ଏଟିଏମ୍ କାରବାର କିମ୍ବା ଟଙ୍କା ନଥିବା ଯୋଗୁଁ ଏଟିଏମ୍ ଟ୍ରାଞ୍ଜାକ୍ସନ ବିଫଳ ହୋଇଥାଏ । କେବେ କେବେ ଟ୍ରାଞ୍ଜାକ୍ସନ ଫେଲ୍ ହେବା ପରେ ମଧ୍ୟ ଆକାଉଣ୍ଟରୁ ଟଙ୍କା କଟିଯାଇଥାଏ । ଏନେଇ ଲୋକେ ଖୁବ ଚିନ୍ତିତ ହୋଇଥାନ୍ତି । ହେଲେ ଏହି ସମସ୍ୟାର ସମାଧାନ ପାଇଁ ବ୍ୟାଙ୍କ ଏବେ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଟଙ୍କା ଆକାଉଣ୍ଟରେ ଫେରସ୍ତ ହେବ ବୋଲି ସୂଚନା ଦେଇଛି । ରିଜର୍ଭ ବ୍ୟାଙ୍କ ନିଜେ ଏକ ଟ୍ୱିଟରେ ଏହି ସୂଚନା ଦେଇଛି ।

ଯଦି କୌଣସି ଏଟିଏମ୍ ଟ୍ରାଞ୍ଜାକ୍ସନ ବିଫଳ ହୁଏ ଏବଂ ବ୍ୟାଙ୍କ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଆପଣଙ୍କ ଟଙ୍କା ଆକାଉଣ୍ଟରେ ଫେରସ୍ତ କରେ ନାହିଁ, ତାହେଲେ ସମ୍ପୃକ୍ତ ବ୍ୟାକଙ୍କୁ କ୍ଷତିପୂରଣ ଦେବାକୁ ପଡିବ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ଲୋକଙ୍କୁ ସଚେତନ କରାଇବା ପାଇଁ ସମୟ ସମୟରେ ଏଭଳି ସୂଚନା ଦେଇଥାଏ । ରିଜର୍ଭ ବ୍ୟାଙ୍କ ନିଜ ୱେବସାଇଟରେ ଏଟିଏମ୍ ଜଡିତ ଅନେକ ପ୍ରଶ୍ନର ଉତ୍ତର ମଧ୍ୟ ଦେଇଛି।

.@RBI Kehta Hai..
If the amount debited due to a failed transaction is not reverted to your account within a specified time, your bank would compensate you for the delay.#BeAware #BeSecure#rbikehtahai #StaySafehttps://t.co/mKPAIp5rA3 @SrBachchan pic.twitter.com/lYiM6GAUy6

— RBI Says (@RBIsays) October 7, 2020

ଭାରତୀୟ ରିଜର୍ଭ ବ୍ୟାଙ୍କ କହିବା ଅନୁସାରେ ବିଫଳ ହୋଇଥିବା ଟ୍ରାନ୍ଜାକସନ୍ ର ରିଫଣ୍ଡ ବ୍ୟାଙ୍କଗୁଡିକ କରିବା ଜରୁରୀ । ତେବେ କେନ୍ଦ୍ରୀୟ ବ୍ୟାଙ୍କ ଏହା ମଧ୍ୟ କହିଛି ଯେ, ଯଦି ଏମିତି କୌଣସି ସମସ୍ୟା ଟ୍ରାଞ୍ଜାକ୍ସନରେ ହେଉଛି ତାହେଲେ ସେମାନଙ୍କ ବ୍ୟାଙ୍କକୁ ଖୁବଶୀଘ୍ର ଜଣାଇବା ଆବଶ୍ୟକ । ଏଟିଏମ୍ ଟ୍ରାଞ୍ଜାକ୍ସନ ବିଫଳ ହେଲେ ଗ୍ରାହକଙ୍କ ଆକାଉଣ୍ଟରେ ୫ ଦିନ ମଧ୍ୟରେ ଟଙ୍କା ଫେରସ୍ତ କରିବା ବ୍ୟାଙ୍କର ଦାୟିତ୍ୱ । ଯଦି ବ୍ୟାଙ୍କ ବିଳମ୍ବ କରେ, ତେବେ ବ୍ୟାଙ୍କକୁ ପ୍ରତିଦିନ ୧୦୦ ଟଙ୍କା କ୍ଷତିପୂରଣ ଦେବାକୁ ପଡ଼ିବ ।