କୋଟିଏ ଟଙ୍କା ଚଳୁ କରିଥିବା ବ୍ୟାଙ୍କ ମ୍ୟାନେଜର ଗିରଫ

ନବରଙ୍ଗପୁର: କୋଟିଏ ଟଙ୍କା ଆତ୍ମସାତ କରିବା ଅଭିଯୋଗରେ ବନ୍ଧା ହେଲେ ବ୍ୟାଙ୍କ ମ୍ୟାନେଜର । ଆଇଡିବିଆଇ ବ୍ୟାଙ୍କର ମ୍ୟାନେଜର ଅଞ୍ଜନ ଶତପଥୀଙ୍କୁ ଗିରଫ କରି କୋର୍ଟ ଚାଲାଣ କରିଛି ନବରଙ୍ଗପୁର ଟାଉନ ଥାନା ପୋଲିସ । ଟଙ୍କା ଆତ୍ମସାତ ନେଇ ବ୍ୟାଙ୍କର ଆଞ୍ଚଳିକ ମୁଖ୍ୟ ସ୍ବରୂପ ଦତ୍ତ ଥାନାରେ ଏତଲା ଦେଇଥିଲେ l

ପ୍ରାଥମିକ ତଦନ୍ତ କରି ଅଞ୍ଜନଙ୍କୁ ଥାନାରେ ଅଟକ ରଖି ପଚରାଉଚରା କରିଥିଲା ପୋଲିସ । ଟଙ୍କା ଆତ୍ମସାତ ନେଇ ମାନିବା ପରେ ପୋଲିସ ତାଙ୍କ ବିରୋଧରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି । ଅଞ୍ଜନ ଏସବିଆଇ କରେନ୍ସି ଚେଷ୍ଟରେ ଜମା କରିବାକୁ କହି ଟଙ୍କା ନେଇଥିଲେ । ତେବେ ପରେ ବ୍ୟାଙ୍କ ତଦନ୍ତ ସମୟରେ ଟଙ୍କା ଜମା ହୋଇ ନଥିବା ଜଣାପଡ଼ିଥିଲା । ଡିଜିଏମ ସ୍ବରୂପ ଦତ୍ତ ବ୍ୟାଙ୍କକୁ ଆସି ତଦନ୍ତ କରିବା ପରେ ନବରଙ୍ଗପୁର ଥାନାରେ ଏତଲା ଦେଇଥିଲେ l