ହର୍ଡ ଇମ୍ୟୁନିଟିକୁ ନେଇ ଏମିତି କହିଲେ ସ୍ୱାସ୍ଥ୍ୟମନ୍ତ୍ରୀ, ଭାରତ ଏବେ ବହୁତ ଦୂରରେ

ନୂଆଦିଲ୍ଲୀ: କରୋନା ସହ କେମିତି ଯୁଝିବ ଭାରତ । ଦେଶରେ ତିଆରି ହୋଇ ସାରିଲାଣି କି ହର୍ଡ ଇମ୍ୟୁନିଟି । ICMR ପକ୍ଷରୁ ଦେଶରେ ଦୁଇଥର ସରିଛି ସିରୋ ସର୍ଭେ । ଏହି ସର୍ଭେ କଣ ସଂକେତ ଦେଉଛି ? ଏହା ଉପରେ ମତ ରଖିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ । ଆଇସିଏମଆରର ଦ୍ୱିତୀୟ ସିରୋ ସର୍ଭେ ଅନୁଯାୟୀ କୋଭିଡ୍-୧୯ ବିପକ୍ଷରେ ଦେଶର ଜନସଂଖ୍ୟା ଏବେ ବି ହର୍ଡ ଇମ୍ୟୁନିଟି ଠାରୁ ବହୁତ ଦୂରରେ ଅଛନ୍ତି । କୋଭିଡ୍ ମୁକାବିଲା ପାଇଁ ଆମେ ସମସ୍ତେ ଆବଶ୍ୟକ ସତର୍କତାମୂଳକ ପଦକ୍ଷେପ ନେବା ଉଚିତ୍ । ସେ ଆହୁରି କହିଛନ୍ତି । କୋଭିଡ୍ ସଂକ୍ରମିତଙ୍କ ଉପରେ ଜୋରରେ ରିସର୍ଚ୍ଚ ଚାଲିଛି ।

ICMR is actively investigating & researching reports of COVID-19 reinfection & although the number of reinfection cases is negligible at this moment, the government is fully seized of the importance of the matter: Union Health Minister Harsh Vardhan https://t.co/0mC5qmkIAX

— ANI (@ANI) September 27, 2020

ତେବେ ଏଯାଏଁ ପୁନଃ ସଂକ୍ରମଣ ମାମଲା ବହୁତ କମ୍ ଅଛି । ଏହାକୁ ସରକାର ସମ୍ପୂର୍ଣ୍ଣ ଗୁରୁତ୍ୱ ଦେଉଥିବା କହିଛନ୍ତି ସ୍ୱାସ୍ଥ୍ୟମନ୍ତ୍ରୀ । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ କହିଛନ୍ତି ରେମଡିସିଭର ଓ ପ୍ଲାଜମା ଥେରାପିର ବିଶେଷ ଉପଯୋଗ କରାଯାଉ ନାହିଁ । ସରକାର ତାହା ସମ୍ବନ୍ଧରେ ନିୟମିତ ପରାମର୍ଶ ଦେଉଛନ୍ତି । ଘରୋଇ ହସ୍ପିଟାଲ ମଧ୍ୟ ଏହି ପ୍ରକ୍ରିୟା ନିୟମିତ ପାଳନ ନକରିବାକୁ ଉପଦେଶ ଦିଆଯାଇଛି ।

ବିଗତ ୨୪ ଘଣ୍ଟାରେ ଦେଶରେ ୯୨ ହଜାର ୪୩ ଜଣ କରୋନାରୁ ସୁସ୍ଥ ହୋଇଛନ୍ତି । ଏଥିସହ କରୋନାରୁ ମୁକ୍ତ ହୋଇଥିବା ଲୋକଙ୍କ ସଂଖ୍ୟା ଦେଶରେ ୫୦ ଲକ୍ଷ ପାଖାପାଖି ପହଞ୍ଚିଛି । ଏଥିସହ ଚିକିତ୍ସାଧୀନ ଆକ୍ରାନ୍ତଙ୍କ ଠାରୁ ଅଧିକ ଲୋକ ୩୯ ଲକ୍ଷ ୮୫ ହଜାର ୨୨୫ ଜଣ ସୁସ୍ଥ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି ।