ଆଇସିଏମଆର୍ ରିପୋର୍ଟ: କାମ ଦେଉନି ନିମୋନିଆ, ଟାଇଫଏଡ ଔଷଧ

ଭୁବନେଶ୍ବର: କଷ୍ଟସାଧ୍ୟ ହେଲାଣି ନିମୋନିଆ, ଟାଇଫଏଡ୍ ପରି ରୋଗର ଚିକିତ୍ସା । ରକ୍ତ ସଂକ୍ରମଣ, ପରିସ୍ରା ନଳୀରେ ସଂକ୍ରମଣର ଚିକିତ୍ସା ବି ଧୀରେ ଧୀରେ ହେଉଛି କଷ୍ଟସାଧ୍ୟ । କାରଣ ଏହି ସବୁ ରୋଗର ଚିକିତ୍ସା ପାଇଁ ଯେଉଁ ଆଣ୍ଟିବାଓଟିକ୍ସ ବ୍ୟବହାର କରାଯାଏ, ତାହା ଆଉ କାମ କରୁନି ।

ଯେଉଁ ବ୍ୟାକଟେରିଆ ଯୋଗୁଁ ଏହି ସବୁ ରୋଗ ହେଉଛି, ସେହି ବ୍ୟାକଟେରିଆ ଆଣ୍ଟିବାଓଟିକ୍ସ ରେଜିଷ୍ଟାନ୍ସ ହୋଇ ଗଲେଣି । ଅର୍ଥାତ ସେହି ବ୍ୟାକଟେରିଆ ଉପରେ ଆଣ୍ଟିବାଓଟିକ୍ସ କାମ କରୁନି ।

ଇଣ୍ଡିଆନ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚର ଏହି ରିପୋର୍ଟ ଦେଇଛି । ଏହାକୁ ନେଇ ଚିକିତ୍ସା କ୍ଷେତ୍ରରେ ବଡ଼ ଚିନ୍ତା ପ୍ରକାଶ ପାଇଛି । ଶ୍ଵାସଜନିତ ସଂକ୍ରମଣ, ସେପସିସ୍‌, ଡାଇରିଆ କ୍ଷେତ୍ରରେ ବି ଏପରି ହେଉଛି । ୨୦ ପ୍ରତିଶତ ବି କାମ ଦେଉନି ଆଣ୍ଟିବାଓଟିକ୍ସ । ସାରା ଦେଶରେ ୨୦୨୩ ଜାନୁଆରୀରୁ ଡିସେମ୍ଵର ମଧ୍ୟରେ ସଂଗୃହୀତ ତଥ୍ୟରୁ ଏହି ରିପୋର୍ଟ ତିଆରି ହୋଇଛି । ତୁରନ୍ତ ଏହାର ବିକଳ୍ପ ବାହାର କରିବାକରୁ ରିପୋର୍ଟରେ କୁହାଯାଇଛି । ଏହାସହ ଆଣ୍ଟିବାଓଟିକ୍ସର ବ୍ୟବହାର ଉପରେ କଡ଼ା କଟକଣା ଲଗାଇବାକୁ ପ୍ରସ୍ତାବ ଦେଇଛି ଆଇସିଏମଆର୍ ।