ଏବେ ମାତ୍ର ୨ ଘଣ୍ଟାରେ ଚିହ୍ନଟ ହେବେ ଓମିକ୍ରନ ସଂକ୍ରମିତ, ICMR ଆଣିଲା ନୂଆ ଟେଷ୍ଟିଂ କିଟ୍
1 min read
ଦିବୁଗ୍ରଡ଼: ଆସାମ ଦିବୁଗ୍ରଡ଼ ସ୍ଥିତ ଆସିଏମ୍ଆର୍ କୋଭିଡ୍-୧୯ ଟେଷ୍ଟିଂ କିଟ୍ ପ୍ରସ୍ତୁତ କରିଛନ୍ତି । ଏହି କିଟ୍ ଦ୍ୱାରା କରୋନାର ଓମିକ୍ରନ୍ ଭାରିଆଣ୍ଟ ମାତ୍ର ୨ ମିନିଟରେ ଚିହ୍ନଟ ହୋଇ ପାରିବ । ଓମିକ୍ରନର ବଢ଼ୁଥିବା ମାମଲା ଭିତରେ ଏହି କିଟ୍ ପ୍ରସ୍ତୁତି ଗୁରୁତ୍ୱପୂର୍ଣ୍ଣ । ସୂଚନା ଅନୁସାରେ, ଡାକ୍ତର ବିଶ୍ୱଜ୍ୟୋତି ବୋରକାକୋଟେଙ୍କ ନେତୃତ୍ୱରେ ଆଇସିଏମ୍ଏର୍ ବୈଜ୍ଞାନିକ ଏହି କିଟ୍ ପ୍ରସ୍ତୁତ କରିଛନ୍ତି ।
ବୈଜ୍ଞାନିକଙ୍କ ଦାବି ଅନୁସାରେ, ଏହି କିଟ୍ ଜରିଆରେ ଓମିକ୍ରନ୍ ଭାରିଆଣ୍ଟର ଚିହ୍ନଟ ମାତ୍ର ୨ ଘଣ୍ଟାରେ ହୋଇପାରିବ । କୋଲକାତା ସ୍ଥିତ କମ୍ପାନୀ ଜିସିସି ବାୟୋଟେକ୍ ପବ୍ଲିକ ପ୍ରାଇଭେଟ୍ ପାର୍ଟନରସିପରେ ଏହି କିଟର ବିପୁଳ ଉତ୍ପାଦନ କରିବ । କୋଭିଡର ନୂଆ ଓମିକ୍ରନ ଭାରିଆଣ୍ଟର ୩୩ଟି ମାମଲା ଏବେ ଯାଏ ଦେଶରେ ଚିହ୍ନଟ ହୋଇଛି । ତେବେ ପ୍ରାରମ୍ଭିକ ଅଧ୍ୟୟନରୁ କୁହାଯାଉଛି ଡେଲଟା ତୁଳନାରେ ଅଧିକ ଘାତକ ନୁହେଁ ଓମିକ୍ରନ ।
ବର୍ତ୍ତମାନ ବଜାରରେ ମିଳୁଥିବା କିଟରେ ଓମିକ୍ରନ ଭାରିଆଣ୍ଟ ଚିହ୍ନଟ ପାଇଁ ୩ରୁ ୪ ଦିନ ସମୟ ଲାଗୁଛି । ତେବେ ଆଇସିଏମ୍ଆର୍ ଦିବ୍ରୁଗଡ଼ ଦ୍ୱାରା ବିକଶିତ କିଟ୍ ସୀମିତ ସମୟରେ ଓମିକ୍ରନ ଚିହ୍ନଟରେ ସକ୍ଷମ ହେଲେ ଚିକିତ୍ସା ବିଜ୍ଞାନ ପାଇଁ ବଡ଼ ଉପଲବ୍ଧି ହେବ । ଏପରିକି ଏହା ଦ୍ୱାରା ଓମିକ୍ରନ ସଂକ୍ରମଣକୁ ରୋକି ହେବ ।
ଡାକ୍ତର ବିଶ୍ୱଜ୍ୟୋତି ବୋରକାକୋଟେଙ୍କ କହିବା ଅନୁସାରେ, ଏହି କିଟ୍ ଦ୍ୱାରା ୨ ଘଣ୍ଟାରେ ଓମିକ୍ରନ୍ ଭାରିଆଣ୍ଟ ଚିହ୍ନଟ ହୋଇପାରିବ । ଓମିକ୍ରନ ଭାଇରସର ଜିନୋମ ସିକ୍ୱେନ୍ସିଂ ପାଇଁ ୪ରୁ ୫ ଦିନ ସମୟ ଲାଗୁଛି । ଏହି କିଟ୍ ୨ ଘଣ୍ଟା ମଧ୍ୟରେ ବିଭିନ୍ନ ମାଧ୍ୟମରେ ଓମିକ୍ରନକୁ ଚିହ୍ନଟ କରିପାରିବ ।
