ଥରେ ଶରୀରରେ ଆଣ୍ଟିବଡି ତିଆରି ହେଲେ ଆଉ ହେବ ନାହିଁ କରୋନା ? ଜାଣନ୍ତୁ ICMRର ଉତ୍ତର…
1 min read
ନୂଆଦିଲ୍ଲୀ: ଆଣ୍ଟିବଡି ଓ କରୋନା ଭାଇରସ୍ ସଂକ୍ରମଣକୁ ନେଇ ICMR ବା ଭାରତୀୟ ଚିକିତ୍ସା ଅନୁସନ୍ଧାନ ପରିଷଦ ବଡ଼ ସୂଚନା ଦେଇଛି । ICMR ଅନୁଯାୟୀ, ଯେତେବେଳେ ଜଣେ ସୁସ୍ଥ ବ୍ୟକ୍ତିଙ୍କୁ କୌଣସି ଭାଇରସ୍ ସଂକ୍ରମିତ ହୁଏ । ସେତେବେଳେ ଭାଇରସ୍ ସହ ମୁକାବିଲା କରିବା ପାଇଁ ଶରୀରରେ ଆଣ୍ଟିବଡି ତିଆରି ହୋଇଥାଏ । ତେବେ, ଆପଣଙ୍କ ଶରୀରରେ ଆଣ୍ଟିବଡି ତିଆରି ହୋଇଥିଲେ ମଧ୍ୟ ଏହି ଆଣ୍ଟିବଡି ଯେ ପୁଣି ଥରେ କରୋନା ଭାଇରସ୍ ଆଟାକ୍ କଲେ ତାକୁ ମାରିଦେବ ତା ନୁହେଁ ।
କିନ୍ତୁ, କୌଣସି ଭାଇରସ୍ ବିପକ୍ଷରେ ଥରେ ତିଆରି ହୋଇଥିବା ଆଣ୍ଟିବଡିର ମାନେ ନୁହେଁ ପୁଣି ଥରେ ସଂକ୍ରମଣ ହେଲେ ସେ ଭାଇରସକୁ ରୋକିଦେବ । ତେଣୁ, ଆପଣଙ୍କ ଶୀରରରେ ଆଣ୍ଟିବଡି ଥିଲେ ଆପଣଙ୍କୁ କରୋନା ଭାଇରସ୍ ସଂକ୍ରମଣ କରିବ ନାହିଁ ଏହା କହିହେବ ନାହିଁ ।
ପ୍ରଥମେ IGM ପୁଣି IGG
ମନ୍ୟୁଷ ଶରୀରକୁ କୌଣସି ଭାଇରସ୍ ଆଟାକ୍ କଲେ ତା’ସହ ଲଢ଼ିବା ପାଇଁ ଶରୀର ଅସ୍ତ୍ର ତିଆରି କରେ ଯାହାକୁ ଆଣ୍ଟିବଡି କୁହନ୍ତି । ଆଣ୍ଟିବଡି, ଭାଇରସର ଠିକ୍ ବିପରୀତ । ଏହା ଭାଇରସକୁ ଶରୀର ଭିତରେ ଅକାମୀ କରିଦିଏ । ICMR ଅନୁଯାୟୀ ଆଣ୍ଟିବଡି କେତକ ପ୍ରକାରର ହୋଇଥାନ୍ତି । ଗୋଟିଏ ଆଇଜିଏମ୍ ଶରୀରରେ ବେଶୀ ଦିନ ତିଷ୍ଠି ରହେନାହିଁ । କିଛିଦିନ ପରେ ନଷ୍ଟ ହୋଇ ଯାଇଥାଏ । ଆଇଜିଏମ୍ ଆଣ୍ଟିବଡି ଶରୀରରେ ଥିଲେ, ସଂକ୍ରମଣ କିଛି ସମୟ ପୂର୍ବରୁ ହୋଇଥାଏ । ଯେତେବେଳେ କି, ଆଇଜିଜି ଆଣ୍ଟିବଡି ଶରୀରେ ଥିଲେ ରୋଗ ପ୍ରତିଷେଧକ ଶକ୍ତି ବଢ଼ିଥାଏ । କିନ୍ତୁ ଶରୀରରେ ଆଇଜିଜି ଆଣ୍ଟିବଡି ଦେଖାଗଲେ, ଆଇଜିଏମ୍ ଦେଖାନଗଲେ ଏହା ପୁରୁଣା ସଂକ୍ରମଣ ବୋଲି ଧରାଯିବ ।
