ଆଇସିସି ଟେଷ୍ଟ ରାଙ୍କିଂ: ଜାଡେଜା ଓ ଅଶ୍ୱିନୀ ବିଶ୍ୱର ଟପ୍ ଅଲରାଉଣ୍ଡର୍ସ

ମୁମ୍ବାଇ: ଇଣ୍ଟରନ୍ୟାସନାଲ କ୍ରିକେଟ କାଉନ୍ସିଲ (ଆଇସିସି) ଟେଷ୍ଟ ଫର୍ମାଟରେ ଖେଳାଳିଙ୍କ ରାଙ୍କିଂ ଜାରି କରିଛି । ଏଥିରେ ଭାରତୀୟ ଦଳର ଷ୍ଟାର ବ୍ୟାଟ୍ସମ୍ୟାନ ଶ୍ରେୟସ ଆୟର, ଅଲରାଉଣ୍ଡର ରବୀନ୍ଦ୍ର ଜାଡେଜା ଏବଂ ରବିଚନ୍ଦ୍ରନ ଅଶ୍ୱିନ ଧମାଲ କରିଛନ୍ତି । ଜାଡେଜା ଆହତ କାରଣରୁ ଗତ କିଛି ସମୟ ହେବ ଦଳରୁ ବାହାରେ ଅଛନ୍ତି, ଏହା ସତ୍ତ୍ୱେ ଟେଷ୍ଟ ରାଙ୍କିଂରେ ତାଙ୍କ ଜଲୱା ବଳବତ୍ତର ରହିଛି । ୨୦୨୨ ଶେଷ ହେବାକୁ ଯାଉଛି ଏବଂ ଆଇସିସିର ଚଳିତ ବର୍ଷର ଏହା ଶେଷ ଟେଷ୍ଟ ରାଙ୍କିଂ ଅଟେ ।

ଏଥିରେ ଅଲରାଉଣ୍ଡର୍ସଙ୍କ ରାଙ୍କିଂରେ ଜାଡେଜା ନିଜ ଜଲୱା କାଏମ ରଖିଛନ୍ତି । ସେ ୩୬୯ ପଏଣ୍ଟସ ସହ ଶୀର୍ଷରେ ରହିଛନ୍ତି । ସେହିପରି ତାଙ୍କ ପରେ ଦ୍ୱିତୀୟ ସ୍ଥାନରେ ଅଲରାଉଣ୍ଡର ରବିଚନ୍ଦ୍ରନ ଅଶ୍ୱିନ ଅଛନ୍ତି । ତାଙ୍କର ୩୪୩ ପଏଣ୍ଟ ରହିଛି । ସେହିପରି ଅଶ୍ୱିନଙ୍କ ବୋଲିଂ ରାଙ୍କିଂରେ ମଧ୍ୟ ସୁଧାର ହୋଇଛି । ସେ ପୂର୍ବରୁ ଶୀର୍ଷ ୫ ଥିଲେ । କିନ୍ତୁ ବାଂଲାଦେଶ ଗସ୍ତରେ ଟେଷ୍ଟ ସିରିଜରେ ଚମତ୍କାର ପ୍ରଦର୍ଶନ କରିବା କାରଣରୁ ଗୋଟିଏ ସ୍ଥାନର ସୁଧାର ହୋଇଛି । ସେ ସଂଯୁକ୍ତ ରୂପରେ ଚତୁର୍ଥ ସ୍ଥାନରେ ପହଞ୍ଚି ଯାଇଛନ୍ତି । ଚତୁର୍ଥ ସ୍ଥାନରେ ପୂର୍ବରୁ ଭାରତୀୟ ଦ୍ରୁତ ବୋଲର ଜଶପ୍ରୀତ ବୁମରାହ ମଧ୍ୟ ରହିଛନ୍ତି ।

ବାଂଲାଦେଶ ବିପକ୍ଷ ଦୁଇଟି ଟେଷ୍ଟ ମ୍ୟାଚର ତିନି ଇନିଂସରେ ଦୁଇଟି ଅର୍ଦ୍ଧଶତକ ଲଗାଇଥିବା ଶ୍ରେୟସ ଆୟର ମଧ୍ୟ ବ୍ୟାଟିଂ ରାଙ୍କିଂରେ ଚମତ୍କାର ପ୍ରଦର୍ଶନ କରିଛନ୍ତି । ତାଙ୍କୁ ୧୦ଟି ସ୍ଥାନର ଫାଇଦା ହୋଇଛି । ଶ୍ରେୟାସ ଆୟର ଶୀର୍ଷ ୨୦ରେ ସ୍ଥାନ ବନାଇଛନ୍ତି । ସେ ଏବେ ୧୬ତମ ସ୍ଥାନରେ ରହିଛନ୍ତି । ସେହିପରି ୬ ବର୍ଷରେ ପ୍ରଥମ ଥର ପାଇଁ ବିରାଟ କୋହଲି ଖରାପ ରାଙ୍କିଂରେ ଥିବା ଦେଖାଯାଇଛି । ୨ଟି ସ୍ଥାନ ଖସି ସେ ୧୪ ତମ ସ୍ଥାନରେ ପହଞ୍ଚିଛନ୍ତି । ସେହିପରି ଚେତେଶ୍ୱର ପୂଜାରାଙ୍କୁ ମଧ୍ୟ ତିନୋଟି ସ୍ଥାନ ହରାଇଛନ୍ତି । ସେ ଏବେ ୧୯ତମ ସ୍ଥାନକୁ ଖସି ଆସିଛନ୍ତି । ଯେତବେଳେ କି ଅଧିନାୟକ ରୋହିତ ଶର୍ମା ୯ତମ ଏବଂ ଋଷଭ ପନ୍ତ ଷଷ୍ଠ ସ୍ଥାନରେ ରହିଛନ୍ତି ।