ଭାରତ-ଦକ୍ଷିଣ ଆଫ୍ରିକା ଦ୍ବିତୀୟ ଟେଷ୍ଟ ମ୍ୟାଚର ପିଚ ପାଇଁ ଆଇସିସିର ଆକ୍ସନ

ନନ୍ଦିଘୋଷ ବ୍ୟୁରୋ: ନିକଟରେ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଅନୁଷ୍ଠିତ ୨ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର ରହିଛି । ତେବେ ଦ୍ବିତୀୟ ଟେଷ୍ଟ ମ୍ୟାଚ ସବୁଠାରୁ ଅଧିକ ରୋମାଞ୍ଚକ ହୋଇଥିଲା । ଏହି ମ୍ୟାଚରେ ପ୍ରଥମ ଦିନରେ ଉଭୟ ଦଳ ଅଲଆଉଟ ହୋଇଥିଲେ । ଲୋସ୍କୋରିଂ ମ୍ୟାଚ ହୋଇଥିବାବେଳେ ପ୍ରଦର୍ଶନ ସାଙ୍ଗକୁ ପିଚକୁ ନେଇ ଚର୍ଚ୍ଚା କମିବାର ନାଁ ନେଉନାହିଁ । ଟେଷ୍ଟ କ୍ରିକେଟ ଇତିହାସରେ ଏହି ମ୍ୟାଚ ରେକର୍ଡ କରିଛି । କମ ସଭର ଖେଳାଯାଇଥିବା ମ୍ୟାଚରେ ଏହା ରେକର୍ଡ କରିଛି । ମାତ୍ର ୧୦୭ ଓଭରରେ ମ୍ୟାଚ ଫଳାଫଳ ଜଣାପଡ଼ିଛି । ଯାହାକୁ ନେଇ ଆଇସିସି ପକ୍ଷରୁ ଉଦବେଗ ପ୍ରକାଶ ପାଇଛି । ପିଚକୁ ନେଇ ପ୍ରଶ୍ନ ଉଠିଥିବାବେଳେ ରେଫରି କ୍ରିସ୍ ବ୍ରଡ ରିପୋର୍ଟ ଦାଖଲ କରିଛନ୍ତି । ଏହାସହ ସେ କହିଛନ୍ତି କି, ନ୍ୟୁଜିଲାଣ୍ଡ ପିଚ ସବୁବେଳେ ବୋଲରଙ୍କୁ ସୁହାଇବା ସହ ବାଉନ୍ସର ହୋଇଥାଏ । ବ୍ୟାଟ୍ସମ୍ୟାନମାନେ ଖେଳିବା ପାଇଁ କଷ୍ଟ ମଧ୍ୟ ହୋଇଥାଏ । ତେବେ ସେ ଯାହାବି ହେଉ ଭାରତ-ଦକ୍ଷିଣ ଆଫ୍ରିକା ଦ୍ବିତୀୟ ଟେଷ୍ଟ ଭାରତ ୭ ଓ୍ବିକେଟ ଜିତିଥିବାବେଳେ ଆଇସିସି ପିଚକୁ ନେଇ ଉଠାଇଛି ପ୍ରଶ୍ନବାଚୀ । ପ୍ରଥମ ଦିନରେ ୨୩ ଓ୍ବିକେଟ ଖସିଥିଲା । ଦେଢ଼ ଦିନରେ ଖେଳ ଶେଷ ହୋଇଥିଲା ।