ପାକିସ୍ତାନ ଯିବନି ଭାରତୀୟ କ୍ରିକେଟ ଟିମ୍ !
1 min read![](https://nandighoshatv.com/wp-content/uploads/2024/07/ind-vs-pak-1024x576.webp)
ନୂଆଦିଲ୍ଲୀ : ଚାମ୍ପିୟନ୍ସ ଟ୍ରଫି ଖେଳିବାକୁ ପାକିସ୍ତାନ ଯାଇ ନ ପାରେ ଭାରତ। ଦୁଇ ଦେଶର ରାଜନୈତିକ ସଂପର୍କ ଭଲ ନ ଥିବାରୁ ଭାରତୀୟ ଟିମ୍ ପାକିସ୍ତାନ ଯିବନି ବୋଲି କୁହାଯାଉଛି। ତେଣୁ ହାଇବ୍ରିଡ୍ ମଡେଲରେ ହୋଇପାରେ ଏହି ଟୁର୍ଣ୍ଣାମେଣ୍ଟ। ଭାରତର ମ୍ୟାଚ ୟୁଏଇ କିମ୍ବା ଶ୍ରୀଲଙ୍କାରେ ହୋଇପାରେ। ଖେଳସୂଚୀ ଅନୁସାରେ ଲାହୋରରେ ଭାରତର ମ୍ଯାଚ ଥିଲା।
ଏପରିକି ମାର୍ଚ୍ଚ ୧ ତାରିଖରେ ଭାରତ-ପାକିସ୍ତାନ ମ୍ୟାଚ ହୋଇଥାନ୍ତା। କିନ୍ତୁ ଏଯାଏଁ ପାକିସ୍ତାନ ଯିବ ବୋଲି ଭାରତ ପକ୍ଷରୁ ସ୍ପଷ୍ଟ କରାଯାଇନାହିଁ। ତେଣୁ କୁହାଯାଉଛି, ଚାମ୍ପିଅନସ ଟ୍ରଫି ଖେଳିବାକୁ ପାକିସ୍ତାନ ଯାଇନପାରେ ଭାରତ। ଗତ ବର୍ଷ ପାକିସ୍ତାନରେ ଏସିଆ କପ୍ ହୋଇଥିଲା। କିନ୍ତୁ ସେଠାକୁ ଯାଇନଥିଲା ଭାରତ। ଭାରତର ମ୍ଯାଚ ଶ୍ରୀଲଙ୍କାରେ ଖେଳା ଯାଇଥିଲା। ହାଇବ୍ରିଡ ମଡେଲରେ ଏହି ଟୁର୍ଣ୍ଣାମେଣ୍ଟ ହୋଇଥିଲା।
୨୦୧୨-୧୩ରୁ ଦୁଇ ଦେଶ ମଧ୍ଯରେ ଦ୍ବିପାକ୍ଷିକ ଖେଳ ହୋଇନାହିଁ। ଶେଷ ଥର ପାଇଁ ୨୦୦୮ରେ ପାକିସ୍ତାନ ଗସ୍ତରେ ଯାଇଥିବା ଭାରତୀୟ କ୍ରିକେଟ ଟିମ୍। ସେପଟେ ପାକିସ୍ତାନ କହିଛି, ସବୁ ମ୍ୟାଚ ଯେମିତି ପାକିସ୍ତାନରେ ଖେଳାଯିବ, ତାର ବ୍ୟବସ୍ଥା କରାଯାଉଛି। ଏ ନେଇ କିଛି ଦିନ ଭିତରେ ଆଇସିସି ସହିତ ଆଲୋଚନା କରାଯିବ ବୋଲି ପିସିବି ପକ୍ଷରୁ କୁହାଯାଇଛି।