ପୁଣି ଏକ ସେନା ବିମାନ କ୍ରାସ୍ ; ଘର ଉପରେ ଖସି ପଡ଼ିଲା ମିଗ୍-୨୧

ଜୟପୁର : ପୁଣି ଏକ ସେନା ବିମାନ କ୍ରାସ । ରାଜସ୍ଥାନ ହନୁମାନ ଗଡ଼ରେ ବାୟୁସେନାର ଫାଇଟର ପ୍ଲେନ ଦୁର୍ଘଟଣାଗ୍ରସ୍ତ ହୋଇଛି । ସେନା ହେଲିକପ୍ଟର ମିଗ୍-୨୧ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ଏକ ଘର ଉପରେ ଖସିପଡ଼ିଲା ବିମାନ ଖସିପଡ଼ିଥିବା ବେଳେ ଦୁଇ ପାଇଲଟ ସୁରକ୍ଷିତ ଥିବା ଜଣାପଡିଛି । ହେଲେ ଦୁର୍ଘଟଣାରେ ତିନି ସାଧାରଣ ଲୋକଙ୍କ ମୃତ୍ୟୁ ଘଟିଛି ।

ସୂତାଗଡ଼ ଏୟାରବେସରୁ ଉଡାଣ ଭରିବାର କିଛି ମିନିଟ ମଧ୍ୟରେ ଫାଇଟର ପ୍ଲେନ କ୍ରାସ କରିଥିବା ଜଣାପଡ଼ିଛି । ବୈଷୟିକ ତ୍ରୁଟି ଯୋଗୁ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ରୁଟିନ ଏକ୍ସରସାଇଜ ପାଇଁ ବିମାନଟି ଉଡାଣ ଭରିଥିବା ବେଳେ ଦୁର୍ଘଟଣା ଘଟିଥିଲା । ବିମାନରେ ଥିବା ଦୁଇ ପାଇଲଟ ସାମାନ୍ୟ ଆହତ ହୋଇଛନ୍ତି । ଭାରତୀୟ ଏୟାର ଫୋର୍ସ ପକ୍ଷରୁ ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି ।