ଆଜିଠାରୁ ଭାରତୀୟ ବାୟୁ ସେନାର ପାଓ୍ବାର ଶୋ’

ମୁମ୍ବାଇ: ନୀଳ ଆକାଶରେ ଜଲଓ୍ବା ଦେଖାଇବ ଭାରତୀୟ ବାୟୁ ସେନା । ଏସୟୁ ୩୦ ଏମକେଆଇ, ସି-୧୩୦ ଏୟାରକ୍ରାଫ୍ଟ ଦେଖାଇବେ ବୀରତ୍ବ । ମୁମ୍ବାଇରେ ଆଜିଠାରୁ ମୁମ୍ବାଇରେ ଆରମ୍ଭ ହେବାକୁ ଯାଉଛି ଭାରତୀୟ ବାୟୁ ସେନାର ପାଓ୍ବାର ଶୋ’ । ଆସନ୍ତା ୧୪ ତାରିଖ ଯାଏଁ ହେବ ଏହି ଏୟାର ଶୋ’ ।

ସ୍ଥାନୀୟ ଲୋକଙ୍କ ମଧ୍ୟରେ ସଚେତନତା ସୃଷ୍ଟି ଲାଗି ଏହି ଶୋ’ ଉଦ୍ଦିଷ୍ଟ । ବାୟୁସେନାର ଦକ୍ଷତା, ସାମର୍ଥ୍ୟ ଓ ବୃତ୍ତିଗତ ପାରଦର୍ଶିତା ପ୍ରଦର୍ଶନ କରିବା ଲାଗି ଏହି ଏୟାର ଶୋ‘ କରାଯାଉଛି । ମହାରାଷ୍ଟ୍ର ସରକାରଙ୍କ ସହଭାଗିତାରେ ମୁମ୍ବାଇ ମେରିନ ଡ୍ରାଇଭରେ ଏୟାର ଶୋ’ ଆୟୋଜିତ ହେବ । ଶୋ’ରେ ସୂର୍ଯ୍ୟକିରଣ ଏରୋବିକ ଡିସପ୍ଲେ ଟିମ ବା ଏସକେଏଟି ଭାଗ ନେବ । ଏହାସହ ସାରଙ୍ଗ ହେଲିକପ୍ଟର ଡିସପ୍ଲେ ଟିମ୍ ବି ହେବେ ସାମିଲ । ଏଥିରେ ଏସୟୁ ୩୦ ଏମକେଆଇ, ସି-୧୩୦ ଏୟାରକ୍ରାଫ୍ଟ ଭାଗ ନେବ । ଏହାସହ ଅକ୍ଷରଗଙ୍ଗା ଟିମ ଦ୍ବାରା ପ୍ରଦର୍ଶିତ ହେବ ଫ୍ରିଫଲ ଓ ପାରାଚ୍ୟୁଟ ଡିସପ୍ଲେ ।