ଭାଇରାଲ ଭିଡିଓ ମିଛ, ମୋର ଅସଲ ନାଁ ଶେଖ୍ ହମିଦ ମହମ୍ମଦ

ବରଗଡ଼: ମୁଁ ନୁହେଁ ଗୁଡ୍ଡୁ ମୁସଲିମ୍ । ମୋର ଅସଲ ନାଁ ଶେଖ ହମିଦ ମହମ୍ମଦ । ଗଣମାଧ୍ୟମରେ ଘୁରି ବୁଲୁଥିବା ଗୁଡ୍ଡୁ ମୁସଲିମର ସିସିଟିଭି ଭିଡିଓ ମିଛ । ଭିଡିଓରେ ଥିବା ବ୍ୟକ୍ତି ଜଣକ ଗୁଡ୍ଡୁ ମୁସଲିମ ନୁହେଁ ବରଂ ସ୍ଥାନୀୟ ଜଣେ ବ୍ୟକ୍ତି ଶେଖ ହମିଦ ମହମ୍ମଦ । ଏକଥା ନିଜେ କହିଛନ୍ତି ଶେଖ ହମିଦ ମହମ୍ମଦ । ମୁଁ ଗୁଡ୍ଡୁ ମୁସଲିମ ନୁହେଁ ବୋଲି ସେ କହିଛନ୍ତି । ଜାତୀୟ ଗଣମାଧ୍ୟମରେ ଅଯଥାରେ ତାଙ୍କୁ ନିନ୍ଦା କରାଯାଉଛି । ଜଣେ ହାର୍ଡକୋର ଅପରାଧୀ ସହ ତାଙ୍କୁ ଜଡ଼ିତ କରି ଅପମାନିତ କରାଯାଉଛି ବୋଲି ସେ କହିଛନ୍ତି । ଶେଖ ହମିଦ ମହମ୍ମଦ ନମାଜ ପଢି ଫେରୁଥିବା ବେଳେ ତାଙ୍କର ଏକ ଭିଡିଓ ସିସିଟିଭିରେ କଏଦ ହୋଇଥିଲା । ଭିଡିଓରେ ସେ ଏକ ଧଳା ସାର୍ଟ ପିନ୍ଧିଥିଲେ ବୋଲି ଦେଖିବାକୁ ମିଳୁଛି । ପରବର୍ତ୍ତି ଅବସ୍ଥାରେ ଏହି ଭିଡିଓ ଗୁଡ୍ଡୁ ମୁସଲିମ ନାଁରେ ଭାଇରାଲ କରାଯାଇଛି । ଗଣମାଧ୍ୟମରେ ମଧ୍ୟ ଓଡ଼ିଶାରେ ଗୁଡ୍ଡୁ ମୁସଲିମର ସିସିଟିଭି ଭିଡିଓ ମିଳିଥିବା ନେଇ ଜୋରଦାର ଚର୍ଚ୍ଚା ହୋଇଛି । ଏହି ଭିଡିଓକୁ ଗୁଡ୍ଡୁ ମୁସଲିମ ନାଁରେ ପ୍ରସାରିତ କରାଯାଉଥିବା ଦେଖି ତାଙ୍କ ଆଖପାଖ ଲୋକ କହିଥିଲେ । ଯାହାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି ଶେଖ ହମିଦ ମହମ୍ମଦ ।