ଶ୍ରମିକଙ୍କ ଉପରେ ଚଢ଼ିଗଲା ବାଲି ବୋଝେଇ ଟ୍ରକ୍

ଭଣ୍ଡାରିପୋଖରୀ: ଭଦ୍ରକ ୧୬ ନମ୍ବର ଜାତୀୟ ରାଜପଥ ଭଣ୍ଡାରିପୋଖରୀ ଶାରଦା ଶିଶୁ ବିଦ୍ୟା ମନ୍ଦିର ନିକଟରେ ଦୁର୍ଘଟଣା । ଅସ୍ଥାୟୀ କ୍ୟାମ୍ପରେ ଶୋଇଥିବା ଅବସ୍ଥାରେ ଶ୍ରମିକଙ୍କ ଉପରେ ଚଢ଼ିଗଲା ବାଲି ବୋଝେଇ ଡମ୍ପର । ଘଟଣାସ୍ଥଳରେ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଅଛନ୍ତି । ୫ରୁ ଅଧିକ ଶ୍ରମିକ ଜୀବନ ବଞ୍ଚାଇବାକୁ ଯାଇ ବାହାରକୁ ଦୌଡ଼ି ପଳାଇଥିଲେ ।

ଜାତୀୟ ରାଜପଥ ସମ୍ପ୍ରସାରଣ କାର୍ଯ୍ୟ କରୁଥିବାରେ ନିୟୋଜିତ ଥିବା ୧୦ରୁ ଅଧିକ ଶ୍ରମିକ କ୍ୟାମ୍ପରେ ଶୋଇଥିବା ବେଳେ ମାଡି ଯାଇଥିଲା ଡମ୍ପର । ଦୁର୍ଘଟଣା ପରେ ଡମ୍ପର ଡ୍ରାଇଭରକୁ ଅଟକ ରଖିଛି ପୋଲିସ । ପୋଲିସ ରାସ୍ତା ଖାଲି କରିବା ସହ ଗାଡ଼ିକୁ ଜବତ କରିଛି । ମୃତ ଶ୍ରମିକ ଜଣକ ହେଲେ ମଧ୍ଯପ୍ରଦେଶର ମହମ୍ମଦ ଅଲଫାଜ ଅନସାରୀ ।