ଯୁବତୀଙ୍କୁ ଧମକ ଦେଇ ଅଢେଇ କୋଟି ଟଙ୍କା ଲୁଟ୍ !

ହାଇଦ୍ରାବାଦ : ହାଇଦ୍ରାବାଦରେ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଏଠାରେ ଜଣେ ହଷ୍ଟେଲ ପରିଚାଳକ ହଷ୍ଟେଲରେ ରହୁଥିବା ଜଣେ ଯୁବତୀକୁ ବ୍ଲାକମେଲ୍ କରି ତାଙ୍କଠାରୁ ୨ କୋଟି ୫୩ ଲକ୍ଷ ଟଙ୍କା ନେଇଛନ୍ତି । ଅଭିଯୁକ୍ତମାନେ ଝିଅର ବାପାମାଆଙ୍କୁ ମଧ୍ୟ ବ୍ଲାକମେଲ୍ କରୁଥିଲେ। ବର୍ତ୍ତମାନ, ଝିଅଟି ନିଦାଦାଭୋଲୁ ପୋଲିସ ଷ୍ଟେସନରେ ଅଭିଯୁକ୍ତ ପରିଚାଳକଙ୍କ ବିରୋଧରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତଙ୍କୁ ଗିରଫ କରି ପଚରାଉଚରା କରୁଛି।

ପୀଡିତା ଜଣକ ହାଇଦ୍ରାବାଦର ଏକ ସଫ୍ଟୱେର୍ କମ୍ପାନୀରେ କାମ କରନ୍ତି। ସେ ହାଇଦ୍ରାବାଦର ଏକ ଲଡିସ୍ ହଷ୍ଟେଲରେ ରହୁଥିଲେ, ଯେଉଁଠାରେ ତାଙ୍କର ଅନୁଷା ଦେବୀ ନାମକ ଏକ ଯୁବତୀଙ୍କ ସହିତ ପରିଚୟ ହୋଇଥିଲା। ଅନୁଷା ତାଙ୍କର ପିଲାଦିନର ବନ୍ଧୁ ଥିଲେ। ଅନୁଷା ହଷ୍ଟେଲର ପରିଚାଳକ ଦେବନାୟକ ଓରଫ ମଧୁ ସାଇକୁମାରଙ୍କୁ ନିଜର ସ୍ୱାମୀ ଭାବରେ ଯୁବତୀଙ୍କୁ ପରିଚୟ କରାଇଥିଲେ।

କିଛି ଦିନ ପରେ, ଦେବନାୟକ ଯୁବତୀଙ୍କ ଏକ ଅଶ୍ଳୀଳ ଭିଡିଓ ପ୍ରସ୍ତୁତ କରି ତାଙ୍କୁ ଭିଡିଓ ଭାଇରାଲ କରିବଦେବାର ଧମକ ଦେଇଥିଲେ । ଅନ୍ୟ ମୋବାଇଲକୁ ସେୟାର ପ କରିବା ପାଇଁ ସେ ତାଙ୍କୁ ଟଙ୍କା ମାଗିଥିଲେ । ପ୍ରଥମେ ସେ ଯୁବତିଙ୍କ ଠାରୁ କିଛି ଟଙ୍କା ସଂଗ୍ରହ କରିଥିଲେ। ତା’ପରେ ସେ ଝିଅଟିକୁ କାନାଡା ପଠାଇବାକୁ ପ୍ରତିଶ୍ରୁତି ଦେଲେ। ଏଥିରେ ସେ ଝିଅଠାରୁ ଟଙ୍କା ମଧ୍ୟ ଆଦାୟ କରିଥିଲେ।

ଦେବନାୟକ ଟଙ୍କା ପାଇଁ ଯୁବତୀଙ୍କ ବାପାମାଆଙ୍କୁ ମଧ୍ୟ ବ୍ଲାକମେଲ୍ କରୁଥିଲେ। ଝିଅଟି କହିଲା ଯେ ସେ ଫୋନ୍ ପେ ଏବଂ ଗୁଗୁଲ୍ ପେ ମାଧ୍ୟମରେ ଅନେକ ଥର ଟଙ୍କା ଦେଇଛନ୍ତି । ଦେବନାୟକ ତାଙ୍କୁ ଏବଂ ତାଙ୍କ ପିତାମାତାଙ୍କୁ ପ୍ରାୟ ୨.୫୩ କୋଟି ଟଙ୍କା ଠକିଛନ୍ତି । ଯୁବତୀ ଏ ବିଷୟରେ ନିଦାଦାଭୋଲୁ ପୋଲିସ ଷ୍ଟେସନରେ ଅଭିଯୋଗ କରିଥିଲେ। ଯୁବତୀଙ୍କ ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତ ଦେବନାୟକଙ୍କୁ ଗିରଫ କରିଛି । ତାର ସହଯୋଗୀମାନଙ୍କ ଠାରୁ ୧.୮୧ କୋଟି ଟଙ୍କା ମଧ୍ୟ ଜବତ କରିଛି ପୋଲିସ ।