ଲିକ୍ ହେଲା ଗ୍ୟାସ୍, ସ୍ୱାମୀ ସ୍ତ୍ରୀ ଗୁରୁତର
ନୟାଗଡ଼: ଗ୍ୟାସ ଲିକ୍ ହୋଇ ନିଆଁ ଲାଗି ସ୍ୱାମୀ ସ୍ତ୍ରୀ ଗୁରୁତର । ନୟାଗଡ଼ ଶରଣକୂଳ ଥାନା ଗୋଲଗାଁରେ ଏଭଳି ଘଟଣା ସାମନାକୁ ଆସିଛି । ଗତକାଲି ରାତିରେ ଗାଁର ରଶ୍ମିତା ଦଳବେହେରା ରୋଷେଇ ପାଇଁ ଗ୍ୟାସ୍ ଲଗାଇଥିଲେ । ତେବେ ଗ୍ୟାସ ଲିକ ହୋଇ ନିକଟରେ ଥିବା କିରୋସିନ ଜାରରେ ଲାଗିଯାଇଥିଲା ।
ରଶ୍ମିତାଙ୍କୁ ବଞ୍ଚାଇବାକୁ ଯାଇ ତାଙ୍କ ସ୍ୱାମୀ ମଧ୍ୟ ଗୁରୁତର ହୋଇଛନ୍ତି । ଉଭୟଙ୍କୁ ପ୍ରଥମେ ନୟାଗଡ଼ ଓ ପରେ ଗୁରୁତର ଅବସ୍ଥାରେ ଭୁବନେଶ୍ୱର ସ୍ଥାନାନ୍ତର କରାଯାଇଛି ।
