ହାତଧରି ଜୀବନ ଆରମ୍ଭ କରିଥିଲେ, ହାତ ଧରି ଚାଲିଗଲେ

1 min read

ଢେଙ୍କାନାଳ: ଦୁହେଁ ଦୁହିଁଙ୍କ ହାତଧରି ଆରମ୍ଭ କରିଥିଲେ ନୂଆ ଜୀବନ । ମୃତ୍ୟୁ ବି କରିପାରିଲାନି ଅଲଗା । ଦୁଇଟି ପୃଥକ ପୃଥକ ଘଟଣାରେ ଚାଲିଗଲା ପ୍ରେମ ପକ୍ଷୀଙ୍କ ଜୀବନ । ଘରେ ସ୍ତ୍ରୀଙ୍କ ଅକାଳ ବିୟୋଗ ଘଟିଥିବା ବେଳେ, ବାଇକ ଦୁର୍ଘଟଣାରେ ଯାଇଛି ସ୍ବାମୀର ଜୀବନ । ଢେଙ୍କାନାଳ ସଦରଥାନା ହରେକୃଷ୍ଣପୁରର ଏ ଅଭାବନୀୟ ଘଟଣା । ମୃତକ ହେଲେ ଲିସା ଦେହୁରୀ ଓ ସ୍ବାମୀ ଦିଲ୍ଲୀପ ଦେହୁରୀ ।

ଲିସା ଘରେ ଥିବା ବେଳେ ହଠାତ ତାଙ୍କ ମୃତ୍ୟୁ ହୋଇଥିଲା । ସ୍ତ୍ରୀଙ୍କ ମୃତ୍ୟୁ ଖବର ଶୁଣି ଗଦିଆଁରେ କାମ କରୁଥିବା ସ୍ବାମୀ ଘରକୁ ସହଯୋଗୀଙ୍କ ସହ ଘରକୁ ଫେରୁଥିବା ବେଳେ, ବିଶ୍ବନାଥପୁର ଛକରେ ନିକଟରେ ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇଥିଲେ । ଫଳରେ ଦିଲ୍ଲୀପଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା ।

ସହଯୋଗୀ ହେମନ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ପୋଲିସ । ଦିଲ୍ଲୀପ ଗତ ୬ ମାସ ତଳେ ବଣସିଂହ ନାଥୁଆ ଗାଁ ଲିସା ଦେହୁରୀଙ୍କୁ ପ୍ରେମ ବିବାହ କରିଥିଲେ । ତେବେ ନବଦମ୍ପତ୍ତିଙ୍କ ଅକାଳ ବିୟୋଗ ଶୁଣି ସ୍ଥାନୀୟ ଅଞ୍ଚଳରେ ଶୋକର ଛାୟା ଖୋଳିଯାଇଛି ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.