ଦେଶୀ ବନ୍ଧୁକରେ ଗୁଳି କରି ସ୍ତ୍ରୀକୁ ହତ୍ୟା

ବୌଦ୍ଧ: ପାରିବାରିକ କଳହରୁ ହତ୍ୟା । ଦେଶୀ ବନ୍ଧୁକରେ ପତ୍ନୀଙ୍କୁ ଗୁଳି କରି ହତ୍ୟା କଲା ମଦ୍ୟପ ସ୍ବାମୀ । ହତ୍ୟା ପରେ ଖସି ଯିବାକୁ ଚେଷ୍ଟା କରୁଥିବା ବେଳେ ଗାଁ ଲୋକେ ଧରି ଦେଲେ ପୋଲିସ ଜିମା । ବୌଦ୍ଧ ଜିଲ୍ଲା ହରଭଙ୍ଗା ଥାନା ଗେରେଡିସାହିରେ ଘଟିଛି ଏହି ଘଟଣା ।

ଅଭିଯୋଗ ଅନୁସାରେ, ଗେରେଡିସାହିର ରୋହିତ ମଲ୍ଲିକ ଏବଂ ତାଙ୍କ ପତ୍ନୀ ଗୀତାଞ୍ଜଳି ମଲ୍ଲିକଙ୍କ ମଧ୍ୟରେ କୌଣସି କାରଣରୁ ବିବାଦ ଦେଖା ଦେଇଥିଲା । ବହୁ ସମୟ ଧରି ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ରୋହିତ ପାଖରେ ରଖିଥିବା ଦେଶୀ ବନ୍ଧୁକରେ ଗରତାଞ୍ଜଳିଙ୍କୁ ଗୁଳି ମାରିଥିଲେ । ଘଟଣା ସ୍ଥଳରେ ହିଁ ଗୀତାଞ୍ଜଳିଙ୍କ ମୃତ୍ୟୁ ହୋଇଯାଇଥିଲା ।

ସ୍ତ୍ରୀକୁ ହତ୍ୟା କରିବାକୁ ରୋହିତ ଖସି ଯିବାକୁ ଚେଷ୍ଟା କରିଥିଲା । ହେଲେ ଗ୍ରାମବାସୀ ଏକାଠି ହୋଇ ତାଙ୍କୁ ମାଡି ବସିଥିଲେ । ଏହାପରେ ଗ୍ରାମବାସୀଙ୍କଠାରୁ ଖବର ପାଇ ହରଭଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ବନ୍ଧୁକ ଜବତ କରିଛି । ଏହାସହ ଗୀତାଞ୍ଜଳିଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।

ତେବେ ରୋହିତ ପାଖକୁ ଦେଶୀ ବନ୍ଧୁକ କେଉଁଠୁ ଆସିଲା ତାହା ଏବେ ପ୍ରଶ୍ନ ଛିଡା କରିଛି ।