ସ୍ତ୍ରୀକୁ ପିଟିପିଟି ହତ୍ୟା ପରେ ବିଷ ପିଇ ସ୍ୱାମୀର ଆତ୍ମହତ୍ୟା ଉଦ୍ୟମ

କେନ୍ଦୁଝର: ସ୍ତ୍ରୀକୁ ପିଟିପିଟି ହତ୍ୟା ପରେ ବିଷ ପିଇ ସ୍ୱାମୀର ଆତ୍ମହତ୍ୟା ଉଦ୍ୟମ । କେନ୍ଦୁଝର ଜିଲ୍ଲା ତେଲକୋଇ ଥାନା ମଧୁସୂଦନପୁର ଗାଁରେ ଏଭଳି ଘଟଣା ଘଟିଛି ।

ସ୍ୱାମୀ ପ୍ରସନ୍ନ ଜୁଆଙ୍ଗ ଓ ସ୍ତ୍ରୀ ଶାନ୍ତି ଜୁଆଙ୍ଗଙ୍କ ମଧ୍ୟରେ କୌଣସି କାରଣରୁ ଝଗଡ଼ା ହୋଇଥିଲା । ପ୍ରସନ୍ନ ହିତାହିତ ଜ୍ଞାନ ହରାଇ ସ୍ତ୍ରୀ ଶାନ୍ତିଙ୍କୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି । ଏହାପରେ ପ୍ରସନ୍ନ ବିଷ ପିଇ ଦେଇଥିଲା ଓ ତା’ପରେ ଫେରାର ହୋଇଯାଇଛି । ତା’ ଅବସ୍ଥା କେମିତି ଅଛି ଓ ସେ କେଉଁଠି ଅଛି, ଜଣାପଡ଼ିନାହିଁ । ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।