ବାହାଘରରେ ଯୋଗ ଦେବାକୁ ବାପଘର ଆସିଥିଲେ, ହତ୍ୟା କଲା ସ୍ବାମୀ

ଭଦ୍ରକ: ପରକୀୟା ସନ୍ଦେହରେ ନିର୍ମମ ହତ୍ୟା । ଶ୍ବଶୁର ଘରେ ସ୍ତ୍ରୀକୁ ହତ୍ୟା କଲା ସ୍ବାମୀ । ଭଦ୍ରକ ଜିଲ୍ଲା ଆଗରପଡା ଥାନା ଅଧିନ ହଜାରିସାହିରେ ଅଭାବନୀୟ ଘଟଣା । ମୃତକ ହେଲେ ଲକ୍ଷ୍ମୀ ସିଂ । ସେ ଦିଲ୍ଲୀର ରବୀନ୍ଦ୍ର ସିଂକୁ ବିବାହ କରିଥିଲେ । ଭାଇଙ୍କ ବାହାଘରରେ ଯୋଗଦେବାକୁ ସ୍ବାମୀ ଓ ଦୁଇ ପୁଅଙ୍କ ସହିତ ବାପଘର ଭଦ୍ରକକୁ ଆସିଥିଲେ ଲକ୍ଷ୍ମୀ । ସ୍ତ୍ରୀ ପରକୀୟାରେ ସଂପୃକ୍ତ ଥିବା ସନ୍ଦେହ କରି ଉଭୟଙ୍କ ମଧ୍ୟରେ ବିବାଦ ଲାଗିଥିଲା ।

ଏଥିରେ ଉତ୍ତ୍ୟକ୍ତ ହୋଇ ସ୍ତ୍ରୀଙ୍କୁ ତକିଆ ପକାଇ ଶ୍ବାସରୁଦ୍ଧ କରି ହତ୍ୟା କରିଥିଲେ ରବୀନ୍ଦ୍ର । ପରେ ଛୁରିରେ ତଣ୍ଟି ମଧ୍ୟ କାଟିଦେଇଥିଲେ । ହତ୍ୟା ପରେ ହ୍ବାଟ୍ସଆପରେ ଉଭୟଙ୍କ ଫଟୋ ରଖିବା ସହ ଫେରାର ହୋଇଯାଇଥିଲେ । ଉଭୟଙ୍କୁ ଘରେ ଖୋଜିବା ପରେ ଲକ୍ଷ୍ମୀଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହ ଦେଖିବାକୁ ପାଇଥିଲେ ପରିବାର ଲୋକ ।

ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହିତ ଗାଁ ନିକଟରେ ଲୁଚିଥିବା ଅଭିଯୁକ୍ତ ସ୍ବାମୀକୁ ଅଟକ ରଖିଛି । ହତ୍ୟାରେ ବ୍ୟବହୃତ ଛୁରୀ ଜବତ କରି ତଦନ୍ତ କରୁଛି ପୋଲିସ ।