ଅଭାବନୀୟ ଘଟଣା: ସ୍ତ୍ରୀଙ୍କୁ ଟାଙ୍ଗିଆରେ ହାଣି ହତ୍ୟା କଲେ ସ୍ବାମୀ

ବଲାଙ୍ଗିର: ବଲାଙ୍ଗୀର ଜିଲ୍ଲା ଦେଓଗାଁ ଥାନା ଅନ୍ତଳା ଗାଁରେ ଅଭାବନୀୟ ଘଟଣା  । ଟାଙ୍ଗିଆରେ ହାଣି ସ୍ତ୍ରୀକୁ ହତ୍ୟା କଲା ସ୍ଵାମୀ । ମୃତ ମହିଳା ଜଣଙ୍କ ହେଲେ ଅମୂଲ୍ୟା ବିଶ୍ୱାଳ  । ଗତ ରାତିରେ ଅଭିଯୁକ୍ତ ଗୌତମ ନିଶାଶକ୍ତ ଅବସ୍ଥାରେ ଘରକୁ ଆସିଥିଲା  । କୌଣସି କାରଣକୁ ନେଇ ସ୍ଵାମୀ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା  । ରାଗି ଯାଇ ଅମୂଲ୍ୟା ଶୋଇବାକୁ ଚାଲି ଯାଇଥିଲେ  । ଦୁଇ ପୁଅଙ୍କ ସହ ଶୋଇଥିବା ବେଳେ ବିଳମ୍ବିତ ରାତିରେ ଅମୂଲ୍ୟାଙ୍କୁ ଟାଙ୍ଗିଆରେ ବେକକୁ ହାଣି ହତ୍ୟା କରିଥିଲା ସ୍ଵାମୀ  । ଘଟଣାସ୍ଥଳରେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଦୁଇ ପୁଅ ଭୟରେ ପାଟିକରିଥିଲେ  । ପାଟି ଶୁଣି ପରିବାର ଲୋକେ ଆସିବାରୁ ଅଭିଯୁକ୍ତ ସ୍ଵାମୀ ଗୌତମ ବିଶ୍ୱାଳ ଟାଙ୍ଗିଆ ଧରି ଫେରାର ମାରିଥିଲା  । ଖବର ପାଇ ଦେଓଗାଁ ଥାନା ପୋଲିସ ଘଟଣାସ୍ଥଳରେ ପହଞ୍ଚି ରକ୍ତ ଜୁଡୁବୁଡୁ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ପଠାଇଛି  । ରକ୍ତ ଲଗା ଟାଙ୍ଗିଆକୁ ଲୁଚାଇ ବନ୍ଧପଡ଼ା ଫାଣ୍ଡିରେ ଆତ୍ମସମର୍ପଣ କରିଥିଲା  । ଦେଓଗାଁ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ହତ୍ୟାରେ ବ୍ୟବହୃତ ଟାଙ୍ଗିଆ ଜବତ କରି ଅଭିଯୁକ୍ତ ସ୍ଵାମୀ ଗୌତମକୁ ଗିରଫ କରିଛି  ।