ପତ୍ନୀର ତଣ୍ଟି କାଟି ହତ୍ୟା କଲେ ସ୍ବାମୀ !

ବରଗଡ଼: ପାରିବାରିକ କଳହରୁ ପତ୍ନୀଙ୍କ ତଣ୍ଟି କାଟି ସ୍ବାମୀ ହତ୍ୟା କରିଥିବା ଅଭିଯୋଗ । ଶବରୁ ଦୁର୍ଗନ୍ଧ ବାହାରୁ ଥିବାରୁ କିଛିଦିନ ଆଗରୁ ତାଙ୍କୁ ହତ୍ୟା କରାଯାଇଥିବା ଅନୁମାନ କରାଯାଉଛି । ଘଟଣା ବରଗଡ଼ ଜିଲ୍ଲା ଗାଇସିଲେଟ ଥାନା ଅନ୍ତର୍ଗତ କେନକେଡା ଗାଁରେ ଘଟିଛି । ମୃତ ମହିଳାଙ୍କ ନାଁ ଚନ୍ଦ୍ରକାନ୍ତି ସାହୁ ।

ପାରିବାରିକ କଳହରୁ ଚନ୍ଦ୍ରକାନ୍ତିଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ଶବକୁ ଦେଖିଲେ ଓ ଏଥିରୁ ଦୁର୍ଗନ୍ଧ ବାହାରୁ ଥିବାରୁ ତାଙ୍କୁ ଦୁଇଦିନ ପୂର୍ବରୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଖବର ପାଇବା ପରେ ଗାଇସିଲେଟ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ । ଏହାସହ ଏକ ମାମଲା କରି ଘଟଣାର ତଦନ୍ତ ଆରମ୍ଭ କରିଛି ।