ପାରିବାରିକ କଳହକୁ କେନ୍ଦ୍ର କରି ସ୍ତ୍ରୀକୁ ବିଭତ୍ସ ହତ୍ୟା, ସ୍ୱାମୀ, ଦେଢ଼ଶୁର ଓ ସମ୍ପର୍କୀୟ ଗିରଫ

ବଲାଙ୍ଗୀର: ସ୍ତ୍ରୀକୁ ବୀଭତ୍ସ ହତ୍ୟା । ସ୍ଵାମୀ, ଦେଢ଼ଶୁର ଓ ସମ୍ପର୍କୀୟ ଗିରଫ । ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ପୁତୁଲାମହୁଲ ଗାଁରେ ପାରିବାରିକ କଳହକୁ କେନ୍ଦ୍ରକରି ବୀଭତ୍ସ ଭାବେ ସ୍ତ୍ରୀକୁ ସ୍ବାମୀ ହତ୍ୟା କରିଥିବା ଅଭିଯୋଗ ହୋଇଛି । ହତ୍ୟା ପରେ ପ୍ରମାଣ ଲୁଚାଇବା ପାଇଁ ସ୍ଵାମୀ, ଦେଢ଼ଶୁର ଓ ସମ୍ପର୍କୀୟ ମିଶି ମୃତଦେହ ପୋଡ଼ି ଦେଇଛନ୍ତି । ଗତ ୧୬ ତାରିଖରେ ହତ୍ୟାକାଣ୍ଡ ଘଟିଥିଲା । ମୃତ ମହିଳାଙ୍କ ପରିବାର ଲୋକ ଥାନାରେ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ସ୍ଵାମୀକୁ ଗିରଫ କରି ପଚରାଉଚରା କରିଥିଲା । ପରେ ମୃତ ମହିଳାଙ୍କ ସ୍ବାମୀ ତେଜରାଜ ସାହୁ, ଦେଢ଼ଶୁର ଓ ଜଣେ ସମ୍ପର୍କୀୟଙ୍କୁ ପୋଲିସ ଗିରଫ କରିଛି ।