ପାରିବାରିକ କଳହରୁ ସ୍ତ୍ରୀ ଓ ପୁତୁରାକୁ ହାଣିଲା ସ୍ବାମୀ

ପୁରୀ : ଶ୍ବଶୁର ଘରେ ଜ୍ବାଇଁର ଉନ୍ମତକାଣ୍ଡ । ପାରିବାରିକ କଳହରୁ ସ୍ତ୍ରୀ ଓ ପୁତୁରାକୁ ହାଣିଲା ସ୍ବାମୀ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ବ୍ରହ୍ମଗିରି ଥାନା କୁସୁବେଣ୍ଟି ଗାଁରେ । ଅଭିଯୋଗ ଅନୁସାରେ ଖୋର୍ଦ୍ଧା କଳାପଦରର ଗୁଣ୍ଡିଚା ପ୍ରଧାନ ଦୀର୍ଘଦିନ ଧରି ଶ୍ବଶୁର ଘରେ ରହିଆସୁଥିଲେ । ସକାଳେ ପାରିବାରିକ କଳହକୁ ନେଇ ସ୍ତ୍ରୀ ସହ ବଚସା ଲାଗିଥିଲା । ପରେ ଉତ୍ତ୍ଯକ୍ତ ହୋଇ ସ୍ତ୍ରୀ ଓ ପୁତୁରାକୁ ଆକ୍ରମଣ କରିଥିଲା ଅଭିଯୁକ୍ତ । ଗାଁ ଲୋକ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ କାବୁ କରି ଏକ ଗଛରେ ବାନ୍ଧିରଖିଥିଲେ । ସ୍ତ୍ରୀ ଓ ପୁତୁରା ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଥିବାବେଳେ ପୋଲିସ ତଦନ୍ତ ଆରମ୍ଭ କରିଛି ।