ଗ୍ୟାସ୍ ସିଲିଣ୍ଡର ଖୋଲି ସ୍ତ୍ରୀକୁ ପୋଡ଼ିଦେଲା ସ୍ୱାମୀ

ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ସ୍ତ୍ରୀକୁ ପୋଡ଼ିଦେଲା ମଦ୍ୟପ ସ୍ବାମୀ । ଗତକାଲି ବିଳମ୍ବିତ ରାତିରେ ବରମୁଣ୍ଡା ଜଗନ୍ନାଥ ନଗରରେ ଘଟିଛି ଲୋମଟାଙ୍କୁରା ଘଟଣା । ଗ୍ୟାସ୍ ସିଲିଣ୍ଡର ଖୋଲି ସ୍ତ୍ରୀକୁ ନିଆଁ ଲଗାଇଦେଲା ସ୍ବାମୀ ଜଗନ୍ନାଥ ପ୍ରଧାନ । ସ୍ତ୍ରୀ ପ୍ରଭାତୀ ଗୁରୁତର ଅବସ୍ଥାରେ ଏସସିବିକୁ ସ୍ଥାନାନ୍ତର ହୋଇଛନ୍ତି । ଅଭିଯୋଗ ଅନୁସାରେ ଜଗନ୍ନାଥ ଭୁବନେଶ୍ବରରେ ଅଟୋ ଚଳାନ୍ତି ।

ପ୍ରଭାତୀଙ୍କୁ ସେ ବିବାହ କରିଥିବାବେଳେ ଉଭୟଙ୍କର ଛାଡପତ୍ର ହୋଇଛି । ହେଲେ ବିଭିନ୍ନ ସମୟରେ ନିଶାଗସ୍ତ ହୋଇ ପ୍ରଭାତୀଙ୍କ ଘରେ ପଶି ମାରପିଟ କରୁଥିଲେ ଜଗନ୍ନାଥ । ଗତକାଲି ରାତିରେ ଘରେ ପଶି ଛୋଟ ଝିଅକୁ ମାରିଦେବାକୁ ଧମକ ଦେଇଥିଲେ । ପରେ ପ୍ରଭାତୀୟଙ୍କ ସମ୍ପର୍କୀୟ ପୋଲିସକୁ ଡାକି ଜଗନ୍ନାଥକୁ ହସ୍ତାନ୍ତର କରିଥିଲେ ।

କିନ୍ତୁ ପୋଲିସ ନିକଟରୁ ଖସିଆସି ଘରର କବାଟ ଭାଙ୍ଗି ଗ୍ୟାସ ସିଲିଣ୍ଡରୁ ନିଆଁ ଲଗାଇ ପ୍ରଭାତୀଙ୍କୁ ପୋଡ଼ି ଦେଇଥିଲେ ଜଗନ୍ନାଥ । ପ୍ରଭାତୀଙ୍କୁ ପ୍ରଥମେ କ୍ୟାପିଟା ହସପିଟାଲ ଓ ପରେ ଏସସିବିକୁ ସ୍ଥାନାନ୍ତର କରାଯାଇଛି । ମାମଲାରେ ଅଭିଯୁକ୍ତ ଜଗନ୍ନାଥ ଫେରାର ହୋଇଯାଇଛି ।